E fundit!

09:11 Aktualitet

Një hap më pranë Brukselit/ Gjermania përshëndet progresin e Shqipërisë në negociatat me BE

Ambasada Gjermane në Tiranë ka përshëndetur mbylljen e për...

"Vrasja e gjyqtarit në krye të detyrës tregoi krizën e besimit te drejtësia"/ Bashari: Integriteti, baza e institucioneve

21 Tetor 2025, 12:26, Politikë CNA

"Vrasja e gjyqtarit në krye të detyrës tregoi krizën e

Kryetarja e Inspektoriatit të Lartë të Deklarimit dhe Kontrollit të Pasurive dhe Konfliktit të Interesit, Evgjeni Bashari, në fjalën e saj gjatë konferencës "Shqipëria, Këshilli i Europës dhe Komisioni i Venecias" e vuri theksin te rëndësia e integritetit të organeve të drejtësisë në rritjen e besueshmërisë së tyre te publiku.

Bashari tha se vrasja e gjyqtarit në krye të detyrës tregon krizën e besimit te drejtësia.

"Procesi i rivlerësimit kalimtar ka qenë zemra e reformës në drejtësi. Vetingu tregoi se reforma në drejtësi krijoi një kulturë të re.

Vrasja e gjyqtarit në krye të detyrës është një tregues i krizës së besimit, na kujtoi se drejtësia funksionon jo vetëm përmes ligjeve, por përmes njerëzve dhe integritetit.

Bashari tha se procesi i vetingut është mbështetur në raportet e ILDKPKI dhe vetëm gjatë vitit 2024 janë marrë 101 massa administrative dhe 23 raste janë referuar në organet e drejtësisë.

"Mbështetja e procesit të vetingut ka pasur angazhim maksimal nga ILDKPKI, një pjesë e madhe e vendimeve janë bazuar mbi raportet e ILDKPKI-së.

Vetëm në 2024 janë marrë 101 masa administrative, 23 raste janë referuar në organet e drejtësisë.

Në këtë rrugëtim Komisioni i Venecias ka shërbyer si një garant moral që procesi të ishte në përputhje me legjislacionin europian.

Bashkëpunimi me partnerët ndërkombëtarë është i rëndësishëm, integriteti publik është i rëndësishëm pasi një institucion me integritet nuk është ai që nuk gabon, por ai që nuk pranon ndërhyrje politike.

Ndershmëria dhe besueshmëria e drejtësisë nuk është luks, por është themeli i shtetit të së drejtës", tha Bashari./CNA