Aulon Kalaja: Veliaj kishte një grup gazetarësh që i ushqente me rroga mujore

21 Tetor 2025, 22:28, Politikë CNA

Aulon Kalaja: Veliaj kishte një grup gazetarësh që i ushqente me

Aulon Kalaja ka deklaruar se Erion Veliaj kishte një grup gazetarësh të cilët i ushqente me rroga mujore.

I ftuar në A Krasta Shoë, Kalaja është shprehur se ishte një grup ilegal gazetarësh që i çoi jashtë shtetit dhe që në fund e censuruan.

Sipas Kalasë, nuk ka patur njerëz që e mbështesnin Erion Veliaj publikisht, nga këta gazetarë të cilët paguheshin.

Ai shprehet se i ka bërë përshtypje fakti që të gjithë ata që e mbështesnin ju larguan sikur të ishte një lebros.

“Erion Veliaj kishte një grup gazetarësh të cilët i kojte (i ushqente) me rroga mujore dhe mua më ka shqetësuar gjithmonë ky fakt.

Madje, një i mori edhe në oborrin e bashkisë. Ishte një grup ilegal i gazetarëve, i çoi edhe jashtë shtetit dhe për hir të së vërtetës unë prisja një lloj avokatie të këtyre gazetarëve me shefin e tyre, por fakti është që ata u censuruan, ose më saktë autocensurë.

Sepse besoj unë, që iu kërkua të flisnin. Nuk ka patur njerëz mendoj unë që e mbështesnin Erion Veliaj publikisht, nga këta gazetarë të cilët paguheshin.

Ka patur ndonjë prurje të re ndoshta, por këto jo. Më bëri përshtypje, se si ka mundësi që iu larguan sikur të ishte një lebros. Pra, mbetën pa të. Të gjithë e harrojnë mbretin që po vdes...

Erion Veliaj ishte një ‘punë-mbaruar’, kështu u quajt nga disa artistë. I referohem këtu ish-misit të Shqipërisë, Valbona Selimllarit, apo Eli Fara dhe artistë të tjerë që kishin referacion për Erion Veliajn.

Por të kesh referacion për një si Erion Veliaj, mua më duket shumë qesharake. Dhe këtu e tregoi fytyrën e vërtetë edhe Elita shqiptare që vinte nga arti, por jo nga arti i vërtetë apo arti që do të kesh më vonë.

Por arti alla Noizy apo artistësh që ishin në botën e TikTok, deri në këto nivele që ky e përdori në një mënyrë malinje për të fituar vota. Politikani i ndan njerëzit në vegla dhe armiq. Këto i kishte si vegla.

Mbështetjen ja kthyen Veliajt në një moment, kur kishte protestë para SPAK-ut por që nga ai moment e tutje u larguan”, tha Kalaja./ CNA