web counter
LEXO PA REKLAMA!

SHKARKO APP

App Store
Google Play

Këlliçi: PD ka komunikim intensiv me të gjithë përfaqësuesit e shtetit amerikan

21 Tetor 2025, 21:42, Politikë CNA

Këlliçi: PD ka komunikim intensiv me të gjithë

Deputeti demokrat, Belind Këlliçi tha sot se Partia Demokratike ka komunikim të përjavshëm me përfaqësuesit aktual të ambasadës amerikane, DASH dhe Shtëpisë së Bardhë.

Këlliçi tha në Syri Tv, se një pjesë e mirë e PD-së, ka takime bashkëpunimi dhe koordinimi me përfaqësuesit amerikanë në të gjitha nivelet. Ai shtoi se të gjitha këto takime koordinohen nga kryetari i PD-së, Sali Berisha.

“Në komunikim intensiv të përjavshëm në të gjitha nivelet. Komunikim edhe më i afërt dhe me i ngushtë më përfaqësuesit e tyre këtu. Jam i bindur se do të ketë shumë shpejt një vendimmarrje edhe për ndryshimin e statusit të zotit Berisha. Një pjesë e mirë e PD-së. Ka takime permanente bashkëpunimi dhe koordinimi me partnerët tanë në të gjitha nivelet. Të gjitha këto nivele koordinohen nga kryetari i Partisë Demokratike, zoti Berisha. Nuk jemi në situatat që kemi qenë 2 ose 3 vitë më parë. Situata të vendosura nga ish-ambasadorja e dalë tani në pension. Çdo javë që kalon më mirë do ti gjejë marrëdhëniet e PD-së me parnerin e saj SHBA-në”, tha Këlliçi. /CNA





Lajmet e fundit nga