web counter
LEXO PA REKLAMA!

SHKARKO APP

App Store
Google Play

E fundit!

x

Mbi 2 javë protestë/ Tabaku, ftesë minatorëve të Spaçit: Komisioni i të Drejtave të Njeriut është i hapur

22 Tetor 2025, 09:55, Politikë CNA

Mbi 2 javë protestë/ Tabaku, ftesë minatorëve të

Deputetja e Partisë Demokratike, Jorida Tabaku, ka reaguar për protestat e minatorëve të Spaçit, të cilët prej javësh janë ngritur për të drejtat e tyre në punë nga rritja e pagës e deri tek e drejta për t’u organizuar në sindikata.

Në një deklaratë publike, Tabaku dënoi pushimet nga puna që, sipas saj, përbëjnë shkelje të ligjit dhe të dinjitetit njerëzor dhe arrestimet nga policia.

“Këta punonjës u keqtrajtuan nga policia e shtetit vetëm pse protestuan. Ata po ndëshkohen vetëm pse kërkojnë të drejtat e tyre.

Prej javësh minatorët e Spaçit protestojnë për të drejtat e tyre në punë! Për këtë protestë janë dhunuar, ndërsa qeveria ka treguar fytyrën arrogante me të dobëtin! Për këtë arsye dhe për shkaqet e protestës kam vendosur t’i ftoj në një dëgjesë minatorët në Komisionin e Medias dhe të Drejtave të Njeriut!

Komisioni është i hapur për të diskutuar, jo vetëm të drejtën për protestë, por mbi të gjitha të drejtat në punë, dinjitetin dhe mundësinë për t’u organizuar në sindikata”, deklaroi Tabaku./CNA

 





Lajmet e fundit nga