E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

Alimehmeti: Binaj, kandidati që arriti të bëjë bashkë të gjitha partitë opozitare të ndara

22 Tetor 2025, 18:50, Politikë CNA

Alimehmeti: Binaj, kandidati që arriti të bëjë bashkë

Koordinatori i Partisë Demokratike për Tiranën, Ilir Alimehmeti është shprehur se Florjan Binaj, është kandidati i pavarur më i avantazhuar në këto 35 vite. Alimehmeti është shprehur në MCN TV se fushata e Binajt është më shumë si fushatë qytetarë.

Ai ka komentuar dhe mbështetjen e partive opozitare për Binajn, ku tha se mbështetja e PD-së përfshin logjistikë, resurse njerëzore, vëzhgues dhe numërues në qendrat e votimit, sipas tij për të ndihmuar në mbrojtjen e votës.

“U bë shumë kohë që nuk kemi parë një bashkim të opozitës në një krah. Dhe nuk kemi parë asnjëherë një kandidat të pavarur të jetë kaq i avantazhuar në këto 35 vite. Fushata e Binajt është më shumë si një fushatë qytetare, ku ai vetë është në rolin e drejtuesit të shtabit, por ku një rol të rëndësishëm luajnë edhe forcat politike që e mbështesin.

Binaj është kandidati, ai drejton fushatën dhe mban barrën e saj. Por për t’i dhënë kësaj fushate fuqi logjistike dhe organizative, sidomos në ditën e votimit dhe numërimit, është e nevojshme një urë lidhëse me partitë që e mbështesin, dhe PD-ja është më e madhja ndër to. Mbështetja e Partisë Demokratike nuk është vetëm deklarative, por përfshin edhe logjistikë, resurse njerëzore, vëzhgues dhe numërues në qendrat e votimit, duke ndihmuar në mbrojtjen e votës. Ka pasur takime koordinuese dhe çdo vendim është marrë në funksion të një strategjie të përbashkët. Secili ka rolin dhe pozicionin e vet në këtë përpjekje, por të gjithë qëndrojmë për të njëjtën kauzë”, tha ai.

Alimehmeti tha më tej se kandidatura e Binajt arriti të bënte bashkë të gjitha partitë opozitare të ndara dhe kjo sipas tij është rruga për të sjellë ndryshim në Tiranë.

“Kjo është me të vërtetë e veçantë: një kandidat i pavarur që mbështetet nga të gjitha partitë opozitare. Është një model i ri që kërkon të dalë jashtë standarteve të vjetra dhe të përditshme të politikës. Ne besojmë se kjo është rruga për të sjellë ndryshim real në Tiranë. Binaj tregoi që arriti të bëj bashkë të gjitha partitë opozitare të ndara”, u shpreh Alimehmeti. /CNA