Britania “xhindoset” nga deklaratat e Ramës: Mos fol pa lidhje për Brexit dhe migracionin, shih punën tënde

22 Tetor 2025, 18:06, Politikë CNA

Britania “xhindoset” nga deklaratat e Ramës: Mos fol pa lidhje

Media të shumta britanike kanë shkruar sot lidhur me deklaratat e bëra dje nga kryeministri Edi Rama në Londër mbi gjendjen e Britanisë pas ‘Brexit’, sa i takon vendimit për largimin nga BE-ja, por edhe krizës së migracionit të paligjshëm.

Sipas raportimeve, Rama ka shkaktuar zemërim pasi pretendoi se Brexit e çoi Britaninë në “depresion”, ndërsa për paligjshmërinë në kalimin e kufirit përmes gomoneve tha se janë anije të vogla.

“Ju u larguat nga Europa sepse donit më shumë lumturi. Tani jeni në depresion. Disa i quajnë anije të vogla, disa i quajnë anije të Brexit-it. Dhe dikush pyet veten pse e latë Evropën. Kjo ka funksionuar në një mënyrë fantastike. Ka funksionuar në një mënyrë që unë besoj se është e qëndrueshme”,-deklaroi dje Rama.

Mediat britanike shtojnë se sipas një burimi nga Ministria e Brendshme e Mbretërisë së Bashkuar, zyrtarët kishin komentuar se Rama nuk e ka idenë se çfarë po flet dhe se duhet të shohë punën e tij.

“Edi Rama nuk ka idenë se për çfarë po flet. Nëse ai do ta bënte vërtet punën e tij, shqiptarët nuk do të kishin ikur për në Mbretërinë e Bashkuar në turma. Ai duhet të shpenzojë më pak kohë duke folur dhe më shumë kohë duke marrë përsëri numrin rekord të kriminelëve shqiptarë që mbushin burgjet tona”,-mësohet nga një burim.

Këtë të mërkurë, Rama u prit nga kryeministri i Mbretërisë së Bashkuar, Sir Keir Starmer, bashkë me udhëheqës të tjera nga Ballkani Perëndimor ndërsa më herët ishte pjesë e pritjes së organizuar nga Mbreti Charles./CNA