web counter
LEXO PA REKLAMA!

SHKARKO APP

E fundit!

x

"Nuk mund të zëvendësojmë 'nënë' dhe 'baba' me shifra pa shpirt"/ Shehu: Kodi Civil e lë evazive gjininë

23 Tetor 2025, 12:01, Politikë CNA

"Nuk mund të zëvendësojmë 'nënë'

Deputeti i Partisë Demokratike, Tritan Shehu, në mbledhjen e Komisionit të Shëndetësisë ka prezantuar projektligjin për ndryshimet në ligjin për gjendjen civile.

Shehu deklaron se në Republikën e Shqipërisë ka vetëm dy gjini: mashkull dhe femër, dhe evidentoi se Kodi Civil e lë këtë çështje evazive sepse në vitin 2009 nuk ishin këto diskutime.

"Propozojmë shtimin e një Neni 38/2:

Gjini biologjikisht e pandryshueshme. Në Republikën e Shqipërisë ka vetëm dy gjini njerëzore, gjinia mashkull dhe gjinia femër, dhe mbetet e pandryshuar gjinia e përcaktuar ligjërisht që në aktin e lindjes.

Mospërcaktimi i gjinisë në lindje hap rrugën për absurditete si prindi 1 dhe 2, nuk mund të lejojmë që nënë dhe baba të zëvendësohen me shifra pa shpirt. Ky është rendi mbi të cilin ngrihet harmonia e shoqërisë...

...Ka një problem në Kodin Civil, është lënë evazive shprehja e gjinisë, jo me qëllim, por në 2009 nuk diskutoheshin këto, tani kanë dalë në sipërfaqe këta elementë, ne duhet të mbrojmë shoqërinë tonë, kjo është arsyeja pse ne kemi paraqitur këtë projektligj, edhe pse ne jemi kundër projektligjit për barazinë gjinore.

SHBA-ja bëri një hap gjigant përpara dhe po pasohen edhe nga vende të tjera për dekretin federal të presidentit Donald Trump.

A do ta ndjekim edhe në këtë pikë, apo do të vazhdojmë me shoqëritë 'woke'"? tha Shehu./CNA

 





Lajmet e fundit nga