web counter
LEXO PA REKLAMA!

SHKARKO APP

App Store
Google Play

E fundit!

x

Rama: Transporti i mbetjeve toksike në rrugë detare s’është i ndaluar

12 Shtator 2024, 10:55, Politikë CNA
Rama: Transporti i mbetjeve toksike në rrugë detare
Kryeministri Edi Rama

Gjatë interpelancës për mbetjet e rrezikshme, kryeministri Edi Rama pretendoi se akuzat për mosveprim të administratës së portit të Durrësit janë jologjike dhe psikopatologjike.

Rama tha se edhe sikur mbetjet të jenë të rrezikshme, transporti i tyre në rrugë detare nuk është i ndaluar.

Ai deklaroi se vendet aziatike, vendet e BE-së dhe Izraeli kanë pranuar mbetje të tilla në 5 vitet e fundit.

“Edhe aludimi për mosveprim të administratës portuale apo asaj detare në rastin më të mirë është alogjik dhe në rastin më të keq kemi të bëjmë me një aludim psikopatologjik, i artikuluar nga burimet ndotëse të Tiranës politike dhe mediatike. Edhe sikur këto mallra të ishin të rrezikshme transporti i tyre në rrugë detare nuk është i ndaluar as nga ai detar, as ndërkombëtar. Mbetje teknologjike industriale transportohen rëndom në rrugë detare duke ndjekur zbatimin e kodeve ndërkombëtare.

Procedura e eksportit të mbetjeve bazohet në dispozitat e ligjit për menaxhimin e integruar të mbetjeve.

Ndjekja e çdo vije logjike, të çon në vendimin se nuk kanë miratuar në asnjë rast eksport mbetjesh të rrezikshme, pretendimi se nuk ka pasur miratim nga Tajlanda është po aq i qëndrueshëm sa ç'mund të jetë e qëndrueshme shkarkesa likuide e asaj goje. Pasi nuk ka si të ketë miratim nga Tajlanda për ngarkesën në fjalë kur vetë Shqipëria nuk ka pasur çfarë autorizimi të japë. Ngarkesa të tilla janë pranuar rregullisht, nga vende të transportit fundor.

360 njësi të tilla janë pranuar në 10 vitet e fundit nga vendet aziatike. Në 5 vitet e fundit ngarkesa të tilla u pranuan nga Spanja, Franca e Belgjika, apo Turqia e Izraeli”, theksoi Rama./ CNA





Lajmet e fundit nga