web counter
LEXO PA REKLAMA!

SHKARKO APP

App Store
Google Play

E fundit!

x

Rama në Tokyo: Shqipëria po jeton momentin më konkret të rrugës drejt BE-së

22 Maj 2026, 15:41, Politikë CNA

Kryeministri Edi Rama, gjatë fjalës së tij në Universitetin e Kombeve të Bashkuara në Tokyo, deklaroi se integrimi europian nuk është thjesht një proces burokratik apo negociatë teknike, por një aspiratë kombëtare dhe një zgjedhje qytetërimi.

Rama theksoi se Shqipëria ndodhet më pranë se kurrë Bashkimit Europian, duke e cilësuar procesin e integrimit si më konkret dhe më real se në çdo moment tjetër. Sipas tij, pas çeljes së negociatave për anëtarësim, vendi ka hyrë në fazën vendimtare të rrugëtimit drejt BE-së.

Ai bëri të ditur gjithashtu se javën e ardhshme Shqipëria do të zhvillojë një konferencë ndërqeveritare me Bashkimin Europian, duke e konsideruar këtë një tjetër hap të rëndësishëm në procesin e integrimit.

“Integrimi europian nuk ka qenë proces burokratik dhe as negociatë teknike. Është aspiratë kombëtare, një zgjedhje qytetërimi, një angazhim për t’iu përkitur familjes së kombeve europiane. Shqipëria është më afër se kurrë me BE-në; nuk e kemi parë kurrë këtë proces kaq konkret dhe real. Në vijim të çeljes së negociatave për anëtarësim, kemi hyrë në fazën vendimtare të rrugëtimit drejt BE-së. Javën e ardhshme do të kemi një konferencë ndërqeveritare me BE-në.

Rruga përpara mbetet shumë kërkuese dhe sfiduese, por kurrë nuk kemi qenë më të vendosur. Madje, sot jemi më të bindur se kurrë që nuk mund të mendojmë për një plan B përveç Bashkimit Europian. Nuk ka plan B përballë lirisë, shtetit të së drejtës dhe demokracisë”, tha Rama./ CNA





Lajmet e fundit nga