web counter
LEXO PA REKLAMA!

SHKARKO APP

App Store
Google Play

E fundit!

x

“Rama, armik”/ Berisha, akuza të forta: Ka 60-fishuar importet e drogës me Kolumbinë

30 Janar 2023, 19:51, Politikë CNA
“Rama, armik”/ Berisha, akuza të forta: Ka 60-fishuar importet
Kryetari i PD-së, Sali Berisha

Kryetari i PD-së, Sali Berisha, e ka cilësuar sërish kryeministrin Edi Rama si armik të tijin dhe të Shqipërisë.

Gjatë fjalës së tij në ceremoninë e 32 vjetorit të themelimit të degës së PD-së në Vorë, Berisha akuzoi Ramën për lidhje me drogën.

Sipas tij, kreu i qeverisë ka 60-fishuar importet me Kolumbinë dhe ka ndërtuar në zemër të Europës shtetin e drogës.

“Ne kemi një armik të egër, si një siamez apo si një pasardhës besnik i etërve të tij, por me një dallim të madh. Nëse ata intolerancën ndaj pluralizmit e kishin ideologjike, ky e ka kryekëput në vjedhjet e tmerrshme që ka bërë. E ka bazuar në drogën që drejton, bazuar në lidhjet e krimit që mban. Në këtë kontekst, misioni ynë është jetik, për çdo demokrat e demokrate.

Miqtë e mi. Në monizmin e parë u bënë përpjekje të na mposhtnin, por ne qëndruam duke patur armë të vetme idealet tona, misionin që ne kishim. Sot përsëri bëhen përpjekje të jashtëzakonshme. Kemi një armik përpara dhe ky armik duhet të përballet me ne, përballje dhe vetëm përballje, për të shporrur këtë kalbësirë nga skena politike shqiptare.

Demokrate e demokratë, ne ecim të sigurtë drejt fitores që meritojmë. Shqiptarët nuk mund të qeverisen kurrë nga një kryeministër që ka 60-fishuar importet me Kolumbinë dhe ka ndërtuar në zemër të Europës shtetin e drogës”, theksoi Berisha./ B.A. – CNA.al





Lajmet e fundit nga