web counter
LEXO PA REKLAMA!

SHKARKO APP

App Store
Google Play

E fundit!

x

Arian Galdini nis mbledhjen e 3500 firmave për kandidimin për kryetar bashkie të Tiranës

30 Janar 2023, 13:38, Politikë CNA

Arian Galdini nis mbledhjen e 3500 firmave për kandidimin për kryetar

Pas hapjes zyrtare në dt. 28 janar të fushatës për mbledhjen e 3500 firmave mbështetëse për kandidimin e tij për kryetar bashkie të Tiranës, Kryetari i LRE-së, ka nisur menjëherë takimet me qytetarët e kryeqytetit.

Arian Galdini dhe ekipi drejtues i LRE-së kanë filluar punën ditën e sotme për sigurimin e firmave të nevojshme sipas Kodit Zgjedhor që mundësojnë regjistrimin e tij si kandidat zyrtar.

Dhjetëra qytetarë i janë bashkuar Galdinit dhe LRE-së me mbështetjen e tyre.

Procesi i mbledhjes së firmave mbështetëse do të bëhet në çdo njësi administrative nga ekipet e LRE-së që janë shpërndarë në terren si edhe çdo ditë në Selinë e LRE-së në Tiranë.

Arian Galdini ka shprehur gatishmërinë për të hyrë në garën për kreun e Bashkisë së Tiranës, përballë 2 kandidatëve të PS dhe PD, Erion Veliaj dhe Belind Këlliçi.

Nëse Galdini do t'ia dalë t'i mbledhë firmat e nevojshme mbështetëse nga qytetarët e kryeqytetit, ai do të jetë kandidati i tretë në garën për kryebashkiak në zgjedhjet e 14 majit 2023.

Galdini ka ftuar të gjithë qytetarët e Tiranës që t'i bashkohen aksionit të tij politik për të pasur në përballjen e 14 majit edhe kandidatin e qytetarëve përballë kandidatëve të kryetarëve./CNA.al





Lajmet e fundit nga