web counter
LEXO PA REKLAMA!

SHKARKO APP

App Store
Google Play

E fundit!

x

Projekti “Ekipet sportive”/ Kushi: Ka një buxhet prej 7.5 milionë dollarësh

18 Prill 2023, 10:20, Politikë CNA
Projekti “Ekipet sportive”/ Kushi: Ka një buxhet prej 7.5
Ministrja Evis Kushi

Ministrja Evis Kushi, në konferencën kombëtare "Arritjet dhe sfidat e sportit në Shqipëri", ka bërë me dije se për herë të parë qeveria ka financuar një projekt, “Ekipet sportive”, me një buxhet 7.5 milionë dollarë në dy vite, që zbatohet nga Komiteti Olimpik Shqiptar.

“Në këtë konferencë duhet të flasim jo vetëm për sportin elitar. Ne duhet të vlerësojmë edhe sportin për të gjithë, jo për sportin si një ushtrim i thjeshtë, por për aktivitete të mirorganizuara.

Për këtë arsye qeveria ka financuar për herë të parë një projekt për masivizimin e sporteve në shkolla, është projekti 'Ekipet Sportive', i cili deri më sot ka një buxhet prej 7.5 milionë dollarësh në dy vite, që zbatohet nga Komiteti Olimpik shqiptar”, tha Kushi.

Ndër të tjera, Kushi theksoi se buxheti për sportin po rritet nga viti në vit, ndonëse ende nuk është aty ku duhet.

“Vendosëm të zhvillojmë një konferencë për sportin se është një moment vrulli për sportin shqiptar. Kemi një ligj të ri të afruar me legjislacionin europian. Kemi një vendim që i shpërblen sportistët. Kemi një rritje buxheti për sportin nga viti në vit. Ende jo aty ku duhet. Të gjitha këto janë reflektuar në rezultate të larta të sportistëve tanë”, u shpreh Kushi./ CNA.al





Lajmet e fundit nga