web counter
LEXO PA REKLAMA!

SHKARKO APP

App Store
Google Play

Hasim Çekrezi, kandidat për Gramshin/ Berisha: Personalitetet i shquar, e prezantoj me krenari

17 Prill 2023, 18:51, Politikë CNA
Hasim Çekrezi, kandidat për Gramshin/ Berisha: Personalitetet i
Kryetari i PD-së, Sali Berisha

Kryetari i PD-së, Sali Berisha prezantoi sot kandidatin e koalicionit “Bashkë Fitojmë” për Bashkinë Gramsh, Hasim Çekrezi.

Berisha tha se Çekrezi është një qytetar shembullor dhe një nga personalitetet më të shquara të Gramshit.

Kryedemokrati theksoi se kandidati i opozitës do bëjë gjithçka për t'i dhënë përgjigjen më të mirë qytetarëve për problematikat e shumta me të cilat përballet Gramshi.

“Është nder i veçantë, kënaqësi e madhe të flas para jush, të vij këtu, për të paraqitur dhe mbështetur kandidatin tonë, për kryetar të bashkisë së Gramshit, për qytetarin tuaj të parë, Hasim Çekrezin.

Hasim Çekrezi është një nga personalitetet më të shquara të Gramshit, një nga qytetarët më shembullorë, një nga bijtë që don më shumë Gramshin dhe qytetarët e tij. Një njeri që përfaqëson vlerat më të arrira tuaja dhe mbarë qytetarëve të Gramshit.

Por unë vij sot, me krenari të veçantë sepse paraqes para jush, njeriun që ju keni zgjedhur, kandidatin tuaj, kandidatin e votës tuaj të lirë, e ujdisë tuaj të brendshme, e marrëveshjes tuaja me votën, me lirinë. Pra, asnjëherë nuk kam paraqitur në këtë rreth dhe askërkund ku do të shkoj, kandidat më dinjitozë se sa paraqesim kësaj radhe.

Të shtunën që kaloi, ne hapëm fushatë elektorale, por madhështia e asaj fushate, ishin përveç dhjetëra e mijëra qytetarë në atë stadium, ishin kandidatët tanë, të cilët shkëlqenin, të cilët të dukej se e kanë të shkrojtur në ballë, kandidatët e lirisë, kandidatët e dinjitetit, kandidatët e besimit të qytetarëve”, theksoi ai./ CNA.al





Lajmet e fundit nga