web counter
LEXO PA REKLAMA!

SHKARKO APP

App Store
Google Play

Veliaj ironizon Këlliçin dhe Berishën/ "Rëndësi nuk ka kukulla, por mjeshtri"

17 Prill 2023, 14:30, Politikë CNA

Veliaj ironizon Këlliçin dhe Berishën/ "Rëndësi

Kryebashkiaku Erion Veliaj ka sulmuar sërish drejtuesin e koalicionit "Bashkë Fitojmë”, Sali Berisha, dhe kreun e PL-së, Ilir Meta.

Në një intervistë për mediat, Veliaj është shprehur se nuk ka rëndësi se kush është kukulla e radhës, duke iu referuar Belind Këlliçit, po kush është mjeshtri, ashtu sikurse ka cilësuar Berishën.

Kryebashkiaku, ndër të tjera, tha se Berisha i ka ardhur në derë të shtëpisë me megafon dhe ka folur për hakmarrje dhe se do të marrë Bashkinë e Tiranës.

“Kjo është garë mes së vjetrës dhe së resë. Kemi disa njerëz që janë duke folur për shkollën, rrugën konkrete. Rakipi në Kamëz po flet për projektin e liqenit të Paskuqanit. Mënyra si është bërë pedonalja e Golemit dhe rezervimet deri në tetor janë konkrete. Nëse filozofia jonë janë hallet e njerëzve, t’i japim zgjidhje. Një parti që shpenzon ose grupim që shpenzon 100 mijë euro në një stadium bosh është shkelje e rëndë e etikës. Nuk është pa para një parti që shpenzon aq shumë. Ende nuk dihet burimi. Ne nuk e dimë me kë po kandidojmë. E kam makinën, por pa targë. Kjo forcë politike ka provuar që vret njerëz në bulevard. Ne kemi një kundërshtar që quhet Ilir Meta e hallin më të madh e ka dosjen e Sigurimit të Shtetit. Përderisa nuk vënë emrin, e ka këtë hall. Saliu nuk e vë dot se është 'non grata'. Nuk ka rëndësi kush është kukulla e radhës, por mjeshtri. Mua në derë të bashkisë me megafon më erdhi Sali Berisha. Sfidën në derën e shtëpisë me kodet e hakmarrjes e bëri ai duke thënë ‘këtë do ta marr unë’”, është shprehur ai./CNA.al





Lajmet e fundit nga