web counter
LEXO PA REKLAMA!

SHKARKO APP

App Store
Google Play

“Skamje në familjen Hasani”/ Boçi: Bashkia e Elbasanit lë në harresë banorët

17 Prill 2023, 15:57, Politikë CNA
“Skamje në familjen Hasani”/ Boçi: Bashkia e Elbasanit
Kandidati i koalicionit “Bashkë Fitojmë” për Bashkinë e Elbasanit, Luçiano Boçi

Kandidati i koalicionit “Bashkë Fitojmë” për Bashkinë e Elbasanit, Luçiano Boçi, ka denoncuar në rrjetet e tij sociale lënien në harresë të Bashkisë së Elbasanit për qytetarët e saj, duke sjellë rastin e familjes Hasani, e cila ndodhet në një varfëri ekstreme.

Sipas Boçit, skamja në të cilën ndodhet familja Hasani është tregues i një qeverisjeje lokale jo në mbështetje të qytetarëve.

“Skamja në familjen Hasani tregon sa pa mbështetje kanë qenë këta njerëz!

Veç bujarisë së Haxhiut, asgjë në hapësirën ku jetonin ai dhe 6 pjesëtarë të familjes së tij nuk ngjallte shpresë. Papunësi, varfëri, pamundësi për një jetë dinjitoze. E vetmja e ardhur ishte një ndihmë ekonomike. Bashkia për këtë familje s’ka qenë kurrë prezente - as si institucion, as si dorë e shtrirë për mbështetje. Dimri për të gjithë pjesëtarët e familjes ka qenë një ferr, ku çdo gjë që pikonte jashtë hynte brenda. I premtova Haxhiut, se pas 14 majit ai dhe kushdo që është me ndihmë ekonomike do të ketë mundësi të punojë në të gjitha hapësirat e lira që janë, duke mos u shkëputur nga ndihma ekonomike në 6 muajt e parë të punësimit”, shkruan Boçi./ CNA.al





Lajmet e fundit nga