web counter
LEXO PA REKLAMA!

SHKARKO APP

App Store
Google Play

Foto - Tirana “pushtohet” nga posterat/ Si gënjeu Rama për shpenzimet e fushatës

17 Prill 2023, 16:45, Politikë CNA
Foto - Tirana “pushtohet” nga posterat/ Si gënjeu Rama për
Kryeministri Edi Rama

Kryeministri Edi Rama në hapjen zyrtare të fushatës elektorale të zgjedhjeve të 14 majit, deklaroi se do të minimizojnë shpenzimet.

Rama tha se asnjë bashki nuk do të nxjerrë postera në rrugë dhe nuk do të bëjë shpenzime për reklamime, pasi theksoi se paratë e propagandës do të investohen në mbjellje pemësh.

“Jo postera ne rrugë e pastaj ngjyra zbardhet e bien copa-copa si lëkurë e zgjebes. Nuk ka nevojë për të. Duhet të bëjmë fushatë me shumë më pak ndotje akustike. Të tjerët kanë shumë arsye të bërtasin e hidhen përpjetë, u hedhshin e mbetshin në ajër. Ne nuk kemi nevojë.

Shkurtimin e shpenzimeve për propagandë elektorale do e kthejmë në donacion pemësh në çdo bashki që do i mbjellim edhe vetë kur të kemi takime. Do e nisim sot me 61 pemë nga donacioni ynë për Tiranën, me lali Erin që ka lindur me këmishë”, u shpreh kreu i qeverisë më 11 prill.

Këtë deklaratë Rama e ka përsëritur dhe herë të tjera, por e vërteta rezulton ndryshe.

Ndonëse premtoi një fushatë elektorale pa reklama, PS e ka mbushur Tiranën me postera. Disa stacione urbanesh kanë reklamë sloganin e PS-së dhe kjo tregon se Rama na gënjeu për shpenzimet e fushatës.

Në fotot e mëposhtme do të shihni se zona të ndryshme të kryqytetit, ku nuk gjenden vetëm postera të sloganit të PS-së, por edhe të vetë kryeministrit Edi Rama.

Me anë të këtyre fotove kuptohet qartë se deklaratat e kreut të qeverisë kanë qenë kontradiktore./ CNA.al





Lajmet e fundit nga