E fundit!

19:37 Aktualitet

Mbahet protesta e 25-të kundër qeverisë, qytetarët ‘sfidojnë’ shiun

Këtë të mërkurë ka nisur grumbullimi i qytetarëve për prot...

Emri i koalicioneve në fletën e votimit/ Avokati i Alibeajt ankimon vendimin e KQZ-së

17 Prill 2023, 23:02, Politikë CNA

Emri i koalicioneve në fletën e votimit/ Avokati i Alibeajt ankimon

Përfaqësuesi ligjor i grupit të PD-së së Enkelejd Alibeajt, Indrit Sefa

Komisioni Qendror i Zgjedhjeve vendosi të shtunën që në fletën e votimit për zgjedhjet e 14 majit, në krah të çdo partie politike të radhitet emri i kryetarit të asaj force politike, ndërsa në rastin e koalicioneve nuk do të ketë një emër të kryetarit, përfshirë koalicionin “Bashkë Fitojmë”.

Ky vendim nuk u prit mirë nga përfaqësuesi ligjor i grupit të PD-së së Enkelejd Alibeajt, Indrit Sefa, i cili këtë të hënë ka vendosur të ankimojë vendimin e Celibashit.

Sefa kërkon që në fletën e votimit në krah të koalicionit “Bashkë Fitojmë” të vendoset emri i kryetarit të Partisë së Lirisë, Ilir Meta.

Emri i koalicioneve në fletën e votimit/ Avokati i Alibeajt ankimon

“Qokat e vazhdueshme të Celibashit për koalicionin e të padëshiruarve (Non-Grata) nuk do të ndalojnë Partinë Demokratike të ndërmarrë të gjitha hapat ligjorë dhe institucional për ta kthyer KQZ në rrugën e ligjit.

Dorëzuam ankimin në KAS për të ndjekur rrugën institucionale të përcaktuar nga Kodi Zgjedhor. Bashkëlidhur tij vendosëm dhe propozimin tonë për Fletën e Votimit dhe Fletën e Votimit e përdorur në zgjedhjet e përgjithshme të vitit 2021.

Siç ja bëra me dije në seancë publike me këto vendimarrje është duke minuar proçesin zgjedhor me vetëdijë. Nuk ka ekzistuar dhe nuk ka për të ekzistuar kurrë një subjekt zgjedhor në fletën e votimit pa të dhënat e atij që e drejton. Unë e kuptoj sikletin e vendosjes së emrit por kjo kurrsesi nuk është në dorë të askujt vecse të ligjit.

Bejëni vetë diferencën. Celibashi o ka shkelur ligjin në 2021 ose është duke e shkelur tani. Përgjigjen e di vetë ai”, shkruan ndër të tjera Sefa.

Ndërkohë kreu i KQZ-së ka sqaruar në mbledhjen e së shtunës se kjo i përket dëshirës së vetë kryetarit nëse do apo jo të vendosë emrin në fletën e votimit./ CNA.al

Emri i koalicioneve në fletën e votimit/ Avokati i Alibeajt ankimon