web counter
LEXO PA REKLAMA!

SHKARKO APP

App Store
Google Play

E fundit!

x

“Po luan për të rikthyer Bashën në PD?/ Fevziu “zë ngushtë” Gazment Bardhin

22 Maj 2023, 22:39, Politikë CNA
“Po luan për të rikthyer Bashën në PD?/ Fevziu
Gazetari Blendi Fevziu

Gazetari Blendi Fevziu ka “zënë ngushtë” Gazment Bardhin, i cili mori drejtimin e PD-së pas dorëheqjes së Enkelejd Alibeajt.

Feziu e pyeti nëse lëvizjet e Alibeajt dhe të tij janë një lojë për rikthimin e Lulzim Bashës në krye të PD-së.

Por Bardhi iu shmang përgjigjes, duke thënë se çdo person duhet të lexojë rezultatin e zgjedhjeve dhe se qëndrimi i tij për situatën në PD është publik.

Pjesë nga biseda:

Blendi Fevziu: Dorëheqja e Alibeajt, është një tentativë për t’i hapur një kthim të mundshëm të Bashës? A po luan Alibeaj për një kthim të Bashës në krye të kësaj pjese të mbetur të PD?

Gazment Bardhi: Nuk e di, unë e kam kuptuar aktin e dorëheqjes së zotit Alibeaj siç ai e ka shpjeguar në publik.

Blendi Fevziu: Po ju vetë Bardhi po luani për një kthim të mundshëm të Bashës në krye të PD?

Gazment Bardhi: E kam shprehur qëndrimin tim dhe është publik. Kam qenë ndër të vetmit nga të dyja pjesët, së bashku me një pjesë të madhe të madhe të Grupit Parlamentar që kemi bërë thirrje mbi mënyrën si gjithë PD do duhej të hynte në një zgjedhje. Tani jemi në një fazë të re kur zgjedhjet kanë mbaruar. Unë nuk e kam komentuar rezultatin e zgjedhjeve sepse nuk ka nevojë për t’u komentuar. Si politikan, secili prej nesh do duhet vetëm ta lexojë atë rezultat.

Blendi Fevziu: A i hap dorëheqja e Alibeajt rrugë një rikthimi të Bashës në krye të kësaj pjese të mbetur të PD? Pyetja është e drejtpërdrejtë.

Gazment Bardhi: Që të bëj një shpjegim. Unë kam pranuar përgjegjësinë e drejtuesit të Grupit Parlamentar, por nuk kam cilësinë që kishte Alibeaj në drejtimin e Partisë Demokratike./ CNA.al





Lajmet e fundit nga