web counter
LEXO PA REKLAMA!

SHKARKO APP

App Store
Google Play

E fundit!

x

Fevziu, mesazh Berishës/ Hap garë për të zgjedhur kryetar të ri, vetë qëndro si baba i PD-së

22 Maj 2023, 22:17, Politikë CNA
Fevziu, mesazh Berishës/ Hap garë për të zgjedhur kryetar
Gazetari Blendi Fevziu

Gazetari Blendi Fevziu ka komentuar mbrëmjen e sotme situatën në Partinë Demokratike, pas humbjes në zgjedhjet vendore të 14 majit.

Fevziu tha në emisionin e Ylli Rakipit se në zgjedhjet e vitit 2025 Sali Berisha nuk duhet të drejtojë opozitën, si në këto zgjedhje.

Ai kërkoi që Berisha të luajë rolin e kryetarit të nderit, ose babait të PD, por pa influencë. Gazetari deklaroi se kryedemokrati duhet të hapë garë për të zgjedhur një kryetar të ri në PD.

"Mendoj se zoti Berisha, për momentin nuk mund të ketë zgjidhje në PD me largimin e tij. Mendoj që Berisha për zgjedhjet e 2025, duhet të luajë rolin e kryetarit të nderit, ose babait të PD, por pa influencë dhe duhet të hapë garë për të zgjedhur një të ri. PD ka nevojë për një kryetar te të dyzetat.

PD duhet të ulet në tavolinë dhe të pyesin veten çfarë ju ka ndodhur. Nuk ka nevojë për kamera. E dyta, PD duhet të bëjë një sondazh të thellë te elektorati i saj për të kuptuar pse nuk kanë dalë votuesit e saj. Bëj një sondazh, për arsyet e kësaj.

Berisha nuk mund të dalë dhe të drejtojë koalicionin e opozitës në vitin 2025. Ai duhet të jetë president nderi. Duhet hapje, zgjerim, një figurë e re", theksoi Fevziu./ CNA.al





Lajmet e fundit nga