web counter
LEXO PA REKLAMA!

SHKARKO APP

App Store
Google Play

"Përfytyroni si do ta përplasnin për muri drejtësinë ata që po përplasin veten"/ Rama ironizon opozitën

19 Nëntor 2025, 12:21, Politikë CNA

"Përfytyroni si do ta përplasnin për muri

Kryeministri Edi Rama në fjalën e mbajtur në Kuvend ka folur edhe për drejtësinë dhe ecurinë e negociatave.

Rama tha se Shqipëria sot për herë të parë në histori po lufton korrupsionin dhe kjo po ndodh për meritë të PS-së.

Kryeministri ironizoi sërish opozitën në lidhje me drejtësinë.

Rama tha se nëse nuk do të ishte për socialistët, drejtësia e pavarur do të përplasej për muri nga ata që aktualisht po përplasin veten.

 

“Shqipëria nuk ndalet, sepse kemi hyrë në një fazë vendimtare, që dje mori shtysë të re në Bruksel, ku jo vetëm hapëm të gjithë kapitujt e negociatave, por jemi çmuar me notat më pozitive pikërisht sepse jo vetëm u kemi qëndruar striktë të gjitha detyrave dhe praktikisht sot jemi në vendin e parë për plotësimin e të gjitha atyre kërkesave të parashikuara nga plani i ri i rritjes, samiti për të cilin do të mbahet këtu në Tiranë. Jemi të çmuar posaçërisht për atë që mallkohemi 'non stop' nga ata që sot po më fusnin në një borxh të madh me këtë pamje spektakolare që po më ofrojnë, pikërisht për drejtësinë, reformën, respektin ndaj pavarësisë dhe faktit që nëse sot Shqipëria për herë të parë në histori lufton me korrupsionin, heton pa dallim, ka vendosur në të njëjtin nivel në buxhetin legjislativ edhe flamurin e pavarësisë së pushtetit të drejtësisë është merita ekskluzive e PS-së, por botërisht dihet se PS është edhe garantja ekskluzive e asaj pavarësie. Parafytyroni vetëm për një moment se si do ta përplasnin për muri drejtësinë e pavarur ata që për momentin dhe një kohë të gjatë do të vazhdojnë të përplasin vetëm veten”, tha Rama./CNA





Lajmet e fundit nga