web counter
LEXO PA REKLAMA!

SHKARKO APP

App Store
Google Play

Deputetët e PD-së i kthejnë kurrizin sapo merr fjalën/ Rama: Më mirë shpina se fytyra juaj

19 Nëntor 2025, 11:05, Politikë CNA

Deputetët e PD-së i kthejnë kurrizin sapo merr fjalën/ Rama:

Kryeministri Edi Rama ka marrë fjalën në Kuvend, ndërsa deputetët e Partisë Demokratike i kanë kthyer shpinën sapo shkoi në foltore. Rama iu përgjigj deklaratave të deputetit Flamur Noka për kreun e Kuvendit, ku tha se ai është i fundit që duhet të flasë për besnikërinë ndaj kreut të partisë.

Duke ironizuar kryeministri tha se madje do ta quante “Besnik Flamur Noka”. Ai iu drejtua opozitës sërish duke thënë se duhet të ndajnë ofendimet dhe akuzat nga opinionet.

"Po edhe të ankoheni për ligjin, edhe të më ktheni shpinën, sikur nuk shkon. Po faleminderit se më mirë shpina se fytyra juaj. Jam i prekur nga konstatimi i zotit Noka, i cili akuzoi kryetarin e Kuvendit për besnikëri të tepruar për kreun e partisë. Ndërkohë zoti Noka e ka monopol besnikërinë ndaj kreut të partisë. Madje do të quaja Besnik Flamur Noka. Duhet të ndani opinionet nga ofendimet. Duhet të ndani opinionet nga akuzat. Ndajini këto dhe jeni në rregull me rregulloren. U ngacmova dhe nga deputeti që kam përballë. Dua të them që po isha në Bruksel dhe po Shqipëria hapi të gjithë kapitujt e negociatave. Ata mendojnë se si sot korrupsioni nuk është luftuar në historinë e këtij vendi. Po mos ta mendonin këtë nuk do t'i hapnin kapitujt e negociatave. Në këtë vend punët janë ndarë. Sa kohë do të vazhdoni të bëni prokurorinë popullore aq kohë do të vazhdoni të rrini aty dhe të tkurrur", tha Rama. /CNA





Lajmet e fundit nga