web counter
LEXO PA REKLAMA!

SHKARKO APP

App Store
Google Play

E fundit!

x

CNA e zbuloi, publikohet kërkesa e këshilltarëve socialistë për Veliajn

18 Nëntor 2025, 21:41, Politikë CNA

CNA e zbuloi, publikohet kërkesa e këshilltarëve socialistë

CNA zbuloi përmes një shkrimi se ish-deputeti i PD-së, i konvertuar në këshilltar të PS në Këshillin Bashkiak dhe një ushtar i Erion Veliajt, Halit Valteri po mblidhte firmat që kryebashkiaku i arrestuar për 13 akuza të rënda të dilte nga qelia për të shkuar në mbledhjen e Këshillit Bashkiak.

Tashmë po publikojmë dhe kërkesën e Këshillit Bashkiak drejtuar Prokurorisë së Posaçme dhe Drejtorisë së Burgjeve që Erion Veliajt t’i lejohet të jetë i pranishëm në mbledhjen e Këshillit Bashkiak që do të mbahet në 21 nëntor 2025 në orën 10:00.

CNA e zbuloi, publikohet kërkesa e këshilltarëve socialistë

Pra, Halit Valteri me shokët e tij kanë firmosur që Erion Veliaj të jetë në Këshillin Bashkiak për të folur për buxhetin ku në fakt duhet të ishte e kundërta, duhet të thirrej për ta shkarkuar.

CNA paralajmëroi se kjo duket të jetë një lëvizje nga ato të radhës të kryebashkiakut të Tiranës, që kërkon të mbahet fort pas mandatit të kryetarit të bashkisë për të mbajtur peng kryeqytetin, për interesat e tij personale dhe të lidhura me 13 akuza penale.

Veliaj po i bën këto lëvizje bashkë me mercenarët që i ka blerë sa nga Saliu e sa nga Lulzim Basha, për të shkuar në mbledhjen të Këshillit Bashkiak që kjo më pas të trumbetohet si një “fitore”, si ajo që u shit pas vendimit të Gjykatës Kushtetuese, ku i vetmi fakt që doli nga ajo seancë që zgjati më shumë se 7 orë ishte që Veliaj mbeti në burg me 13 akuza për 5 vepra të rënda penale./ CNA





Lajmet e fundit nga