web counter
LEXO PA REKLAMA!

SHKARKO APP

App Store
Google Play

E fundit!

x

Tabaku në Kuvend: Të miratohet minimumi jetik

19 Nëntor 2025, 10:24, Politikë CNA

Tabaku në Kuvend: Të miratohet minimumi jetik

Deputetja e Partisë Demokratike, Jorida Tabaku, ka bërë thirrje gjatë fjalës së saj në foltoren e Kuvendit që të miratohet minimum jetik.

Tabaku u shpreh gjatë fjalës së saj se sot pensionistët dhe grupet sociale janë shtresa më e varfër. Deputetja tha se Shqipëria është i vetmi vend në rajon dhe BE që nuk ka miratuar minimumin jetik.

“Duke nisur nga situata e rendit dhe krimit të organizuar dhe duke vazhduar me minimumin jetik. Minimumi jetik ka qenë një kërkesë që PD e ka sjellë sa herë është miratuar buxheti. Qeveria shqiptare në vitin e 13 të mandatit të saj nuk siguron një minimum jetik për qytetarët. Sot pensionistët janë shtresa më e varfër. Sot grupet sociale janë shtresa më e varfër. Në të gjitha statistikat Shqipëria është e fundit në Ballkanin Perëndimor. Shqipërisë i duhen 53 vite për të arritur në standardet e BE për aspektin ekonomik. Kjo për shkak të kësaj qeverie. 55% e familjeve shqiptare nuk mbyllin dot muajin. Treguesit janë të qartë. Shqipëria duhet të mbyllë hapësirën e të ardhurave të shqiptarëve me ato të rajonit dhe BE-së. Pa miratuar minimumin jetik kjo nuk ndodh. Ky parlament ka miratuar shumë ligje në dëm të qytetarëve. Besoj se sot nëse ka një problem Shqipëria, lidhet me varfërinë. Merita kryesore e kësaj qeverie është se nga 500 mijë sot ka 675 mijë pensionistë që jetojnë në mëshirën e qeverisë. Pas miratimit të buxhetit PD do ta sjellë sërish këtë propozim ligjor, si detyrim moral ndaj qytetarëve që presin që ky parlament të miratojë ligje në interes të tyre. Vendet e tjera të rajonit e kanë. PS refuzon ta miratojë këtë minimum jetik”, tha Tabaku. /CNA





Lajmet e fundit nga