E fundit!

11:17 Aktualitet

“Albanian Files”/ Klodjan Braho: Askush nuk është imun për SPAK, nëse dikush ka prova t’i depozitojë

Nga opozita në Komisionin për Nismat Qytetare, kreu i SPAK...

Ligji për barazinë gjinore/ Boçi akuza: Keni falsifikuar procesverbalin, disa deputetë të PD-së nuk ishin prezentë

19 Nëntor 2025, 10:20, Politikë CNA

Ligji për barazinë gjinore/ Boçi akuza: Keni falsifikuar

Deputeti i Partisë Demokratike, Luçiano Boçi, në seancën e sotme plenare është ndalur te miratimi i projektligjit për barazinë gjinore.

Boçi akuzoi mazhorancën se është falsifikuar procesverbali, pasi disa deputetë të PD-së janë shënuar sikur nuk kanë votuar, ndërkohë që sipas demokratit ata nuk kanë qenë prezentë në sallë.

Gjë kjo, e cila është bërë me qëllim, sipas Boçit.

“Në miratimin për ligjin e barazisë gjinore, procesverbali është i falsifikuar sepse nga PD kanë qenë të pranishëm 36 deputetë. Në unison kemi votuar kundër. Ju furnizoni me dokumente të falsifikuara. Zonja Topalli nuk ka qenë prezente, e keni shënuar nuk votoi. Gaz Bardhi ka qenë i përjashtuar, ju e keni shënuar nuk votoi. Kjo nuk është rastësi, është e qëllimshme. Nuk e di sa herë ka ndodhur kjo histori në ligje me ndjeshmëri të lartë publike. Kemi qenë në unison kundër këtij ligji”, tha Boçi.

Më tej deputeti demokrat u ndal edhe te përjashtimi i kreut të PD-së, Sali Berisha, nga Kuvendi për 10 ditë.

Boçi tha se asnjë deklaratë e Berishës nuk tejkaloi etikën dhe u përjashtua për deklaratat e tij jashtë Kuvendit.

Demokrati ironizoi mazhorancën, duke pyetur nëse do të përjashtohen deputetët e opozitës pas deklaratave të djeshme ndaj Marta Kos.

“Nuk pashë asnjë fjalë të zotit Berisha që tejkaloi etikën. E përjashtuat për një deklaratë jashtë Parlamentit. Dje kemi mbajtur qëndrime kundër zonjës Kos, do të na përjashtoni sot? Se ju keni prerë fjalën e lirë”, u shpreh deputeti.