web counter
LEXO PA REKLAMA!

SHKARKO APP

App Store
Google Play

E fundit!

x

"Berisha u përjashtua për të mbuluar zhurmën e ligjit për barazinë gjinore"/ Noka: Tranvestiti do të konsiderohet njeriu më dinjitoz

19 Nëntor 2025, 10:50, Politikë CNA

"Berisha u përjashtua për të mbuluar zhurmën e ligjit

Sekretari i Përgjithshëm i Partisë Demokratike, Flamur Noka, në seancën e sotme plenare ka reaguar me tone të ashpra ndaj miratimit të ligjit për barazinë gjinore.

Noka tha se me miratimin e këtij ligji u godit përfundimisht familja shqiptare dhe tranvestiti do të konsiderohet njeriu më dinjitoz i kësaj shoqërie.

Demokrati u ndal edhe te përjashtimi i Berishës, ku tha se ishte një makinacion për të fshehur zhurmën publike që shkaktoi ligji për barazinë gjinore. Përjashtim për të cilin Noka deklaroi se erdhi si pasojë e frikës nga e vërteta, pasi fjalët e Berishës ishin pa kontekst dhe jashtë Kuvendit.

 

“Kemi dy muaj që presim të shohim të ulur aty kryetarin e Kuvendit dhe jo ushtarin e partisë. Vetëm kryetar Kuvendi nuk jeni, jeni ushtar besnik i pushkatimit që kryetari i narkosit para jush ka caktuar ndaj opozitës. Seancën e kaluar ju përjashtuat kreun e opozitës për një deklaratë jashtë salle dhe nuk kishte asnjë kontekst fyes apo ofendues për askënd. Ju të ushqyer me urrejtje ndaj opozitës dhe kreut të saj e keni të pamundur të pranoni të vërtetën. E gjitha ishte një makinacion për të mbuluar zhurmën për ligjin për barazinë gjinore, ku burrit paradite do t’i thonë burrë dhe pasdite grua, ku tranvestiti do të konsiderohet njeriu më dinjitoz i kësaj shoqërie. Me atë ligj vendosët të shkatërroni përfundimisht familjen shqiptare. Pasi e shpopulluat tani do t’i jepni goditjen finale shkatërrimit të familjes”, tha Noka.





Lajmet e fundit nga