web counter
LEXO PA REKLAMA!

SHKARKO APP

E fundit!

x

"Drejtuesi i Gardës s’ka marrë mendim nga unë"/ Berisha për 21 janarin: Bamir Topi, një nga organizatorët

19 Nëntor 2025, 11:30, Politikë CNA

"Drejtuesi i Gardës s’ka marrë mendim nga unë"/

Kryetari i Partisë Demokratike, Sali Berisha, në fjalën e tij pas daljes nga SPAK-u ka folur edhe për ish-Presidentin e Republikës, Bamir Topi, referuar një pasazhi në librin e tij.

Berisha tha se nuk e ka dërguar Bashën në Presidencë dhe akuzoi Topin se ishte një nga organizatorët e 21 janarit, pasi kishte interes që Rama t’i zgjaste mandatin.

 

Bamir Topi në librin e tij shkruan se kam dërguar Bashën në Presidencë. Po Bamir Topi ishte një nga organizatorët, priste zgjatjen e mandatit nga Rama. Basha nuk kishte asnjë porosi që të mos komunikonte me presidentin”, deklaroi Berisha.

 

Sa i takon marrjes në pyetje nga SPAK-u, Berisha tha se është pyetur për sistemin e sigurisë jashtë Kryeministrisë dhe jo për serverat e brendshëm.

Kreu i PD-së deklaroi se do të paraqitet në SPAK për këtë çështje sa herë të jetë nevoja.

 

Për serverat nuk jam pyetur, jam pyetur për sistemin e sigurisë jashtë. Do të paraqitem sa herë të duan, sa herë të kenë nevojë. Drejtuesi i Gardës s’ka marrë mendim nga unë nëse duhet të hapë zjarr. S’mund të ketë mendime të tilla”, tha Berisha./CNA





Lajmet e fundit nga