web counter
LEXO PA REKLAMA!

SHKARKO APP

App Store
Google Play

Peleshi vizitë në Parlamentin spanjoll/ Fokus integrimi në BE dhe siguria

26 Maj 2026, 18:12, Politikë CNA

Peleshi vizitë në Parlamentin spanjoll/ Fokus integrimi në BE dhe

Kryetari i Kuvendit, Niko Peleshi, zhvilloi një vizitë zyrtare në Madrid, me ftesë të Kryetares së Kongresit të Deputetëve të Spanjës, Francina Armengol, në kuadër të diplomacisë parlamentare për mbështetjen e procesit të anëtarësimit të Shqipërisë në Bashkimin Europian.

Në takimet me Kryeparlamentaren Armengol dhe Zëvendëskryetarin e Parë të Senatit, Javier Maroto Aranzabal, zyrtarët spanjollë riafirmuan mbështetjen e Spanjës për integrimin europian të Shqipërisë. Armengol vlerësoi progresin dhe vendosmërinë e vendit tonë në rrugën drejt BE-së dhe rikonfirmoi mbështetjen e fuqishme të Spanjës.

Ndërsa Aranzabal theksoi se Bashkimi Europian bëhet më i fortë me vende si Shqipëria, me orientim të qartë europian dhe vlera demokratike.

Kryeparlamentari Peleshi shprehu mirënjohjen për mbështetjen konstante të Spanjës, duke theksuar se ajo mbështetet mbi arritjet konkrete të Shqipërisë dhe vlerat e përbashkëta demokratike.

Delegacioni shqiptar mori pjesë dhe u përshëndet në seancat plenare të Kongresit të Deputetëve dhe Senatit spanjoll.

Gjatë takimeve u diskutua zgjerimi i bashkëpunimit parlamentar dhe shkëmbimi i përvojave në funksion të procesit të integrimit europian, harmonizimit të legjislacionit me standardet e BE-së, si edhe forcimi i bashkëpunimit teknik ndërmjet dy parlamenteve.

Vizita përkon me 40-vjetorin e rivendosjes së marrëdhënieve diplomatike mes dy vendeve dhe shënon vizitën e parë të një kryeparlamentari shqiptar në Spanjë pas afro dy dekadash.

Në fokus të bisedimeve ishte edhe bashkëpunimi si vende partnere në NATO, për garantimin e sigurisë, mbështetjen  për Ukrainën, paqen në Lindjen e Mesme, qëndrimin ndaj Iranit, stabilitetin në Ballkanin Perëndimor dhe normalizimin e marrëdhënieve mes Kosovës dhe Serbisë.





Lajmet e fundit nga