E fundit!

21:14 Politikë

Nga “ethet” e garës, te misioni politik/ Flasin 3 nënkryetarët e sapozgjedhur të PD-së

Zgjedhjet e zhvillura dje në Këshillin Kombëtar të Partisë...

“I bie grepit po njësoj”/ Rama: Opozita s'ka turp, nuk delegojmë detyrën e integrimit në BE

25 Maj 2026, 18:34, Politikë CNA

“I bie grepit po njësoj”/ Rama: Opozita s'ka turp, nuk

Kryeministri Edi Rama, në takimin e zhvilluar për 35-vjetorin e PS-së në Durrës, u ndal edhe te situata e vendit ndër vite.

Duke bërë një krahasim, Rama u shpreh se dallimet thelbësore të Shqipërisë para dhe pas ardhjes në pushtet të Partisë Socialiste janë të shkruara në ADN-në e partisë, në një fazë që e cilësoi si një riangazhim të vendit me veten, botën dhe të ardhmen.

“Pavarësisht të gjitha atyre që mund të thuhen me sy kritik, si mund të krahasohej Shqipëria e fundosur në humnerën e piramidave, e armatosur në marrëzinë e verbërisë, me atë të mëpastajme, ishte me 1001 gropa, por një Shqipëri që u rinagazhuar me të ardhmen, veten dhe botën, për të rivendosur rregull. Këto janë raporte thelbësore, të shkruara në ADN-në e Partisë Socialiste. Të garatojmë se të gjithë ata që do të vijnë pas, të kujdesen për PS-në si aset kombëtar të paçmueshëm”,-u shpeh Rama.

Më tej, kreu i qeverisë u ndal edhe te kritikat dhe akuzat e përfaqësuesve të opozitës, që sipas tij, nuk dinë çfarë bëjnë e çfarë thonë.

“I bie grepit po njësoj”/ Rama: Opozita s'ka turp, nuk

Sipas Ramës, PS është e vetëdijshme për detyrën që ka ndaj vendit në rrugëtimin drejt Bashkimit Europian dhe theksoi se kjo nuk është një detyrë që do ta delegojë.

Kryeministri shtoi se qëndrimet e opozitës ndaj situatës në vend përballë ndërkombëtarëve janë më shumë se të turpshme, por Rama tha se kjo ka edhe pjesën e vet argëtuese.

“Ata që flasin për ne, as që e kanë idenë se për çfarë flasin. Ata që përgatiten për të na përballur ne, as nuk e kanë ide se me kë përgatiten. PS nuk është përrua, as lumë, por oqean që e ngre dallgën çdo herë e më lart sepse është e vetëdijshme për sfidën që ka, për malin që duhet ngjitur dhe është e sigurt se nuk e delegon. O e bën PS-ja Shqipërinë Europa, o Europa nuk e merr kurrë Shqipërinë. Çfarë nuk thanë për atë që nesër bëhet fakt. Çfarë nuk sajuan. Turpi është fjalë që nuk ka lidhje me ta. Gëzoheshin që fotot e flakadanëve mbi Kryeministri dilnin nëpër mediat e botës. Arritën deri në pikën që nxorrën flamurin e Gjermanisë në bulevard. E mbushën dynjanë që na kanë ndëshkuar. Kjo pjesë më argëton se i bien grepit po njësoj, nuk kanë nevojë fare për karrem”,-tha Rama./CNA