web counter
LEXO PA REKLAMA!

SHKARKO APP

Sulmi rus me dronë në rezidencën e ambasadorit shqiptar në Ukrainë/ Delegacioni i BE-së reagon për ngjarjen

24 Maj 2026, 20:18, Politikë CNA

Sulmi rus me dronë në rezidencën e ambasadorit shqiptar në

Delegacioni i Bashkimit Europian në Tiranë ka reaguar para pak minutash lidhur me sulmin me dronë nga Rusia në kompleksin ku banon ambasadori shqiptar në Kiev.

Siç theksohet përmes një qëndrimi, Delegacioni dënon me forcë aktin, që e cilëson si një sulm të papërgjegjshëm, që vuri në rrezik edhe jetën e ambasadorit Ernal Filo. 

“Delegacioni i Bashkimit Evropian dënon me forcën më të madhe sulmin me dronë dhe raketa të kryer gjatë natës nga Rusia ndaj Kievit, i cili shkaktoi disa viktima dhe goditi gjithashtu rezidencën e Ambasadorit të Shqipërisë në Ukrainë, duke vënë në rrezik jetën e tij.

Ky sulm i papërgjegjshëm na kujton edhe një herë brutalitetin e luftës së paprovokuar dhe të pajustifikuar të agresionit të Rusisë kundër Ukrainës.

Ne qëndrojmë në solidaritet me Ukrainën dhe Shqipërinë”,-thuhet në reagim./CNA

Sulmi rus me dronë në rezidencën e ambasadorit shqiptar në





Lajmet e fundit nga