web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet në PD/ Këlliçi: Procesi nuk ka përfunduar me votëbesimin e Berishës

26 Maj 2026, 07:34, Politikë CNA

Zgjedhjet në PD/ Këlliçi: Procesi nuk ka përfunduar me

Deputeti i PD-së Belind Këlliçi ka folur për zgjedhjet dhe riorganizimin e partisë. I ftuar në emisionin Opinion me Blendi Fevziun, Këlliçi është shprehur se procesi i zgjedhjeve në PD nuk ka përfunduar me votëbesimin e kreut të PD-së Sali Berishës.

Ai tha se në 30 maj në mbledhjen e Kuvendit Kombëtar riorganizimi do të jetë kryefjala.

Këlliçi shtoi se pas dy javësh do të jenë zgjedhjet për të gjitha forumet e larta drejtuese, ku do të ketë shumë të rinj që do të kandidojnë.

“Nuk ka përfunduar me këtë votëbesim procesi në PD i zgjedhjeve apo i riorganizimit. Në datë 30 maj, ditën e shtunë, ju do të keni Kuvendin Kombëtar që do të fokusohet në dy drejtime, në riorganizimin, që është kryefjalë e këtij Kuvendi që do ta dëgjoni.

Pra do kemi një formulë të re, një platformë të re e cila është përgatitur së bashku me Institutin Republikan Amerikan dhe me fondacionin suedez Jarl Hjalmarson Foundation, për të paraqitur një platformë tejet moderne e kontemporane të vlerësimit të performancës të çdo niveli drejtues në PD, duke filluar nga kryetari i saj.

Dhe më pas do të shihni edhe pjesën e digjitalizimit të PD-së dhe pjesën e riorganizimit të brendshëm që do të mbyllet me ripërtëritjen që ndodh pas 2 javësh.

Çfarë do të thotë?

Pas 2 javësh do të jenë zgjedhjet për të gjitha forumet e larta drejtuese, ku edhe pyetja juaj, me të drejtë, do të marrë përgjigje. Ku do të shihni, jam i bindur, shumë kandidatura të reja, shumë të rinj, shumë të reja që do të marrin patjetër pjesë në garë, të rinj deri në 35-vjeç. Të garantoj që do të ketë një hapje shumë të madhe!”, tha Këlliçi./ CNA





Lajmet e fundit nga