web counter
LEXO PA REKLAMA!

SHKARKO APP

App Store
Google Play

Çështja e detit me Greqinë/ Zhulali: Rama e ka provokuar disa herë, alibi ndaj krimit dhe korrupsionit

25 Maj 2026, 18:47, Politikë CNA

Çështja e detit me Greqinë/ Zhulali: Rama e ka provokuar disa

Ekspertja e çështjeve ndërkombëtare, llda Zhulali komentoi sot rikthimin e vëmendjes në çështjen e detit me Greqinë, nga takimi i sotëm mes kryeministrit Edi Rama dhe ministrit grek të Mbrojtjes, Nikos Dendias.

E ftuar në “Syri Tv”, Zhulali u shpreh se Rama e ka provokuar disa herë diskutimin e kësaj çështjeje ndër vite.

Sipas Zhulalit, kryeministri e ka përdorur edhe si alibi të lidhur me një veto të mundshme nga shteti fqinj për integrimin.

Zhulali shtoi se arsyeja pas këtij qëndrimi të Ramës ka të bëjë me çështje të tjera politike në vend, si edhe me krimin dhe korrupsionin.

“E ka provokuar disa herë Greqinë, duke synuar ndoshta edhe një lloj sjellje agresive të Greqisë në BE që ai më pas ta përdorte si alibi. Por në fakt, Greqia përgjatë gjithë këtyre viteve nuk ka pasur asnjëherë një veto ndaj Shqipërisë për çështje politike, përfshirë këtu dhe çështjen e detit. Kështu që, duke qenë se Rama nuk e ka këtë, pra atë alibi që thotë që ne u bllokuam për faj të Greqisë, u përpoq që ta servirë si lajm në disa media, por nuk i eci. Tani e rikthen në vëmendje, por do ta shikojmë nëse synimi i rikthimit të kësaj çështje në vëmendje është për ta çuar atë drejt zgjidhjes reale, apo për ta përdorur edhe një herë si alibi për shkak të problemeve që ai ka me çështje të tjera politike këtu, krimin, korrupsionin e të tjera”,-tha Zhulali./CNA





Lajmet e fundit nga