web counter
LEXO PA REKLAMA!

SHKARKO APP

App Store
Google Play

“Referendum i jashtëzakonshëm”/ Berisha: I treguam Ramës se jemi këtu, fundi i tij është i shpejtë

25 Maj 2026, 19:45, Politikë CNA

“Referendum i jashtëzakonshëm”/ Berisha: I treguam

Kryetari i Partisë Demorkatike, Sali Berisha, mori pjesë këtë të hënë në takimin e radhës të ‘Foltores’ para Kryeministrisë, ku mbajti edhe fjalën e tij.

Berisha u ndal te procesi i referendumit të zhvilluar për drejtuesin në PD, që sipas tij ishte një ngjarje e jashtëzakonshme për këtë forcë politike, jo për shkak të rezultatit.

Sipas kryedemokratit, ky proces i tregoi kryeministrit Edi Rama se opozita do të vijojë të jetë kundër propagandës tij dhe se fundin politik do ta ketë shumë të shpejtë.

“E kam theksuar edhe më parë dhe e theksoj se ai referendum kishte një vlerë të jashtëzakonshme. Jo se ata që votuan në 90 e ca përqind shprehën votëbesimin ndaj meje, por vlera më e jashtëzakonshme është se i ngrit si një gjigant i vullnetit të njerëzve të lirë për t’i thënë Ramës se jemi këtu dhe se fundi i tij është i shpejtë. Për t’i thënë se muajt e propagandës me të cilët u përpoq të na shkurajonte dhe të shkelmonte mbi vullnetin tonë i mori Lana dhe se në jemi këtu përsëri karshi kësaj ndërtese. Në këtë bulevard do të japim atë që meriton. Referendumi ishte madhështor jo se votuat për mua, por se dëshmuat se nuk pranoni të keqen banale, keni ndërgjegje politike dhe se jeni elita e kombit shqiptar”,-tha Berisha./CNA





Lajmet e fundit nga