E fundit!

19:11 Aktualitet

Sot protesta e 47-të kundër qeverisë/ Qytetarët mblidhen në sheshin “Skënderbej”

Këtë të enjte po mbahet në Tiranë protesta qytetare e 47-t...

“PD, humbëse kronike”/ Rama sulmon opozitën nga Lezha

30 Maj 2026, 13:36, Politikë CNA

Në kuadër të 35-vjetorit të themelimit të Partisë Socialiste, kryeministri Edi Rama ka zgjedhur Lezhën për të përcjellë mesazhet e radhës politike.

Për kreun e qeverisë, forca që ai drejton mbetet e vetmja që nuk ka ndryshuar qëndrim në mbrojtje të interesit kombëtar, ndërsa nuk ka kursyer kritikat ndaj opozitës, të cilën e cilësoi si një front humbësish kronikë.

Duke iu kthyer historisë së tri dekadave e gjysmë, Rama ka bërë një ndarje të qartë mes rrugëtimit të socialistëve dhe kundërshtarëve të tyre politikë. Sipas tij, PS ka qenë gjithnjë në vijën e duhur të historisë, ndryshe nga forcat e tjera politike që, sipas kryeministrit, kanë përdorur retorikën nacionaliste për të fshehur veprime të tjera.

Kryeministri u ndal edhe tek atmosfera e zgjedhjeve të para pluraliste. Sipas tij PS ka shmangur gjithmonë hakmarrjen politike, duke u shndërruar në një forcë që mishëron vlerat evropiane.

“Duken si fjalë të zakonshme, në kuptimin që duket gjëja më e zakonshme dhe normale që një forcë politike të ketë një qëndrim solid, të palëkundur dhe të kthjellët në raport me interesin kombëtar. Por ja që nuk është e zakonshme, sepse po të ishte kështu, do të ishte karakteristikë e të gjitha forcave politike të Shqipërisë. Por kjo është karakteristikë vetëm e PS-së, sepse vetëm PS-ja, që në krye të herës, nuk ka lëvizur asnjëherë, asnjë milimetër nga vija e drejtë e mbrojtjes së interesit kombëtar.

Dhe për këtë ka plot shembuj që mund të merren, por shembulli më kuptimplotë dhe më ulëritës në sensin negativ është shembulli që e dallon si ditën me natën PS-në nga kundërshtarët e saj politikë.

I dallon si dita me natën, sepse, siç ka ndodhur në historinë e 35 viteve, vazhdon të ndodhë edhe sot. PS-ja ndodhet përballë një fronti kundërshtarësh, sepse ata nuk lënë gjë pa thënë ndaj përfaqësuesve të saj. Nuk kanë lënë gjë pa thënë në krye të herës, nuk lënë gjë pa thënë sot dhe nuk do të lënë gjë pa thënë derisa të jenë ata që janë: humbësit kronikë dhe shpirti i shkatërrimit në politikën shqiptare.

Ata e sulmuan brutalisht PS-në si parti të lidhur me Serbinë, si shërbëtore të Beogradit, por e vërteta tregoi diçka krejt tjetër: se pikërisht ata që rrihnin gjoksin ditën dhe gjuanin me gurë PS-në, natën thyenin embargon e botës demokratike ndaj Millosheviçit dhe furnizonin me naftë makinerinë e tij të spastrimit etnik.

Ndërkohë që PS-ja, që në ditën e parë të marrjes në dorë të frenave të vendit pas katrahurës së paimagjinueshme të vitit 1997, u bë mbështetja më e fortë dhe e përhershme e UÇK-së deri në fund, deri në çlirimin e Kosovës”, u shpreh Rama. /CNA