E fundit!

19:11 Aktualitet

Sot protesta e 47-të kundër qeverisë/ Qytetarët mblidhen në sheshin “Skënderbej”

Këtë të enjte po mbahet në Tiranë protesta qytetare e 47-t...

FOTO/ Dështon Salianji, vetëm 50 demokratë të inatosur

29 Maj 2026, 21:36, Politikë CNA

Ervin Salianji ka dështuar sot në krijimin e një tubimi të madh në Tiranë, siç edhe dëshironte, pasi nuk mundi të mbledhë më shumë se 50 apo 100 persona.

FOTO/ Dështon Salianji, vetëm 50 demokratë të inatosur

Nisja e tubimit të Salianjit

Një takim ku shumica e të pranishmëve ishin demokratë të inatosur, nga ata të cilët nuk mundën të ishin në listat për deputetë të PD-së në zgjedhjet e vitit 2025, apo edhe nga ata që kanë kërkuar poste “dhuratë” në Partinë Demokratike.

Shumica e njerëzve janë nga ata që dhunuan demokratët më 8 janar të vitit 2022 dhe vetë Salianji i priti me dru demokratët që donin të hynin në selinë blu. Pjesa më e madhe, servilë të Lulzim Bashës, që kanë ikur nga PD nëpër parti të tjera, disa prej tyre bashkëpunëtorë të Edi Ramës, që janë përdorur si letër higjienike dhe tani kanë shkuar pas Salianjit.

Salianji me shkop druri në selinë e PD-së

Vetë Salianji është nga ata që ka kërkuar pazar te kryedemokrati Sali Berisha dhe punë sekretariati pasi doli nga burgu, ku qëndroi i dënuar për çështjen “Babale”. Një mashtrim i madh publik, që shqiptarët e kanë parë nëpër gjykata dhe ndaj të cilit kishte edhe një vendim. Salianji bëri burg për një mashtrim të madh publik, jo politik siç pretendon.

Pasi doli nga qelitë e burgut të Fierit, ku kaloi një kohë të gjatë dhe bashkëpunoi ngushtë me ish-drejtorët e dosjes “5D” dhe me emra të botës së krimit, që janë mbështetës të Partisë Socialiste, doli në betejë të hapur kundër Partisë Demokratike.

Salianji dështoi sot me sukses, në takimin me disa demokratë të inatosur apo me disa socialistë që ia dërgoi miku i tij i ngushtë, Taulant Balla.

Duket se gjithçka është më shumë sesa një rrymë brenda PD-së, një grup njerëzish të sponsorizuar edhe nga Partia Socialiste, për të përçarë PD-në.

Pamje nga tubimi

Aktiviteti i Salianjit u transmetua gjerësisht në mediat e pushtetit, te Mero Baze, Carlo Bollino dhe Irfan Hysenbelliu dhe po raportohet nga mediat kryesore me urdhër nga zyra e medias në Kryeministri.

Duket se Salianji po mbështetet fort nga mediat qeveritare, të paguara nga inceneratorët dhe aferat, që i japin një hapësirë pa fund, një fakt tjetër që dëshmon edhe një mbështetje që ka nga qeveria në veprimet e tij të sponsorizuara, ashtu siç është akuzuar, edhe nga lidhje të tjera të dyshimta./CNA