E fundit!

20:21 Aktualitet

Protestuesit nuk harrojnë Veliajn: I erdhi radha e burgut, të mos lirohet

Protestuesit që mbajnë fjalimet e tyre para Kryeministrisë...

Vendimet e qeverisë/ Nga ndërtimi i centralit fotovoltaik te zonat me përparësi

28 Maj 2026, 21:08, Politikë CNA

Vendimet e qeverisë/ Nga ndërtimi i centralit fotovoltaik te zonat me

Në mbledhjen e sotme të qeverisë, u miratuan disa projektligje dhe vendime në fushat e ekonomisë, administratës apo energjisë.

Konkretisht qeveria ka miratuar ndërtimin e një centrali gjenerues të energjisë fotovoltaike në fshatin Povelçë të Fierit.

Po ashtu u miratuan projektet fituese të financuara nga fondi për parandalimin dhe menaxhimin e fatëkeqësive natyrore.

Një tjetër vendim i marrë sot nga qeveria ishte një shtesë në vendimin për miratimin e strukturës së pagave për një sërë postesh, si zëvendësministri, prefekti, nëpunësi civil etj.

VKM

Këshilli i Ministrave vendosi:

-Miratimin e ndërtimit të centralit gjenerues të energjisë elektrike fotovoltaike dhe veprave ndihmëse në fshatin Povelçë, njësia administrative Dërmenas, Bashkia Fier, nga shoqëria “FOS SOLAR”, sh.p.k

-Miratimin e listës së projekteve fituese të financuara për vitin 2026 nga fondi për parandalimin dhe menaxhimin e fatkeqësive natyrore, si dhe të autoritetit kontraktor për zbatimin e projekteve.

-Miratimin, në parim, të kuadrit të bashkëpunimit të Kombeve të Bashkuara për Shqipërinë 2027-2031, ndërmjet Këshillit të Ministrave të Republikës së Shqipërisë dhe Organizatës së Kombeve të Bashkuara.

-Shpalljen “Zonë me përparësi zhvillimin e ekonomisë malore” të disa zonave në territoret e Bashkisë Gjirokastër dhe Fier.

-Miratimin e Kodit të Etikës së Vullnetarit.

-Një shtesë në vendimin Nr.325, datë 31.05.2023 të Këshillit të Ministrave “Për miratimin e strukturës së pagave, niveleve të pagave dhe shtesave të tjera mbi pagë të zëvendësministrit, funksionarëve të kabineteve, prefektit, nënprefektit, nëpunësve civilë dhe nëpunësve në disa institucione të Administratës Publike”, të ndryshuar.

-Njësimin e gradave ushtarake me funksionet organike në Forcat e Armatosura të Republikës së Shqipërisë.

Projektligjet:

-Për dëftesat tregtare mbi produketet bujqësore

-Miratimin e disa ndryshime dhe shtesa në ligjin NR.10093, Datë 9.3.2009, “Për organizimin dhe funksionimin e Agjencisë për mbështjen e Shoqërisë Civile”