web counter
LEXO PA REKLAMA!

SHKARKO APP

App Store
Google Play

E fundit!

x

"Nuk ka pengim të procesit të negociatave me BE-në"/ Koçiu: Raporti i IBAR të lexohet mirë dhe qartë

28 Maj 2026, 11:47, Politikë CNA

Zëvendëskryeministrja Albana Koçiu ka dhënë një deklaratë për mediat pas mbledhjes së qeverisë ku njoftoi disa nga vendimet e marra.

Koçiu u shpreh se në mbledhjen e Këshillit të Ministrave është miratuar udhërrëfyesi për arritjen e objektivave të zhvillimit të qëndrueshëm deri në vitin 2030. Gjithashtu njoftoi miratimin e partneritetit strategjik me agjencitë e OKB.

“Qeveria miratoi sot Udhërrëfyesin Kombëtar për Arritjen e Objektivave për Zhvillimin e Qëndrueshëm deri në vitin 2030. Në të janë 65 kritere të matshme që do të orientojnë punën e institucioneve publike. Një tjetër vendimn është ai i partneritetit stragjeik i institucioneve dhe qeverisë mne agjencinë e OKB për periudhën 2027-2031. Gjithashtu një dokument i rëndësishëm që ka kaluar një fazë të gjerë konsultimesh”, u shpreh Koçiu.

Ndërkohë në përgjigjen e pyetjeve të gazetarëve, zëvendëskryeministrja u shpreh qëndrimi i mazhorancës lidhur me imunitetin e deputetes Belinda Balluku nuk ka penguar procesin e negociatave me BE-në.

"Qëndrimi ynë ka qenë i qartë dhe nuk është një qëndrim që ka penguar apo pengon procesin e negociatave me BE-në. PS në Kuvend ka zhvilluar dhe vijon të dialogojë në një qasje konstruktive. Këto vendimarrje nuk e kanë cënuar prpogresin e Shqipërisë dhe nuk e kanë vënë në diskutim raportin e saj me drejtësinë. Të gjitha këto janë aludime të opozitës dhe të atyre që njollosin dhe përbaltin Shqipërinë përditë", tha ajo. 

Ndër të tjera shtoi se raporti i IBAR duhet të lexohet mirë, që sipas saj mos të bëhen interpretime të gabuara.

"Ne jemi këtu ku jemi duke negociuar për të mbyllur kapitujt brenda kësaj dekade. Ky është lajmi që duhet të pranojnë të gjithë dhe për plotësimin e detyrave tona BE na e njeh progresin. Raporti i IBAR do të duhet të lexohet mirë dhe qartë, mos të bëhen interpretime të gabuara në raportet e KE. Kjo sepse është gjuhë që orienton institucionet", u shpreh zëvendëskryeministrja. 

Lidhur me nisjen e procesit të mbylljes së kapitujve të hapur, Koçiu u shpreh se aspirata është që brenda këtij viti të kenë filluar diskutimet për 10 prej tyre.

“Ne jemi duke punuar, presim me përfundimin e Konferencës së 8-të Ndërqeveritare, jemi duke pritur rekomandimet për kushtet përmbyllëse dhe aspirata është që brenda këtij viti të kemi filluar diskutimet për 10 kapituj. Duhet të ulemi në tryezë me palën europiane për të diskutuar një nga një gjithë detyrat dhe rekomandimet”, tha ajo. /CNA





Lajmet e fundit nga