web counter
LEXO PA REKLAMA!

SHKARKO APP

App Store
Google Play

E fundit!

x

Ish-deputeti: Opozita nuk do që t'i marrë mazhoranca meritat e integrimit

26 Maj 2026, 22:05, Politikë CNA

Ish-deputeti: Opozita nuk do që t'i marrë mazhoranca meritat e

Ish-deputeti i Partisë Socialiste, Petro Koçi në një dalje televizive duke folur për procesin e integrimit në BE, tha se shpesh procesi bëhet viktimë e debatit të brendshëm politik.

Koçi u shpreh se opozita mendon që integrimi është meritë vetëm e mazhorancës dhe kjo ka ndihmuar shumë.

Ish-deputeti deklaroi se vendi ynë tashmë ndodhet në një moment gjeostrategjik shumë të rëndësishëm, që tejkalon dhe interesat shtetërore dhe ndihmon interesat kombëtare.

 

 

“Gjykoj që procesi bëhet shpesh viktimë e debatit të brendshëm politik, sepse kjo krijon shumë keqkuptime. Në një farë mënyre edhe nuk dua këtu të fajësoj patjetër opozitën aktuale, por çdo lloj opozite në Shqipëri mendon që kur ti je në një moment integrimi në një strukturë ndërkombëtare, duket sikur merita është e vetëm e asaj pjese që është në qeveri, pra që është në pozitë. Mendoj që kjo ka ndikuar shumë.

Në qoftë se ne kemi parasysh çfarë ka ndodhur këtu, që është djegur parlamenti, janë djegur karriget e parlamentit, janë përleshur njerëzit me deputetët, me oficerët e gardës, janë zhvilluar protesta të dhunshme me flakadanë dhe me molotovë, të cilët s'janë asnjëherë paqësorë.

Jemi në një hap gjeostrategjik shumë të rëndësishëm. Jemi duke realizuar një nga ambiciet tona me interes strategjik për vendin. Në një farë mënyre tejkalon edhe interesat tona shtetërore,  ndihmon edhe interesat tona kombëtare. Ky është një proces që është vërtetë shumë teknik dhe mendoj që në këtë aspekt është bërë një punë e jashtëzakonshme jo vetëm nga legjislativi, por dhe sidomos nga grupet që janë caktuar në çdo dikaster që merren drejtpërdrejtë me këtë proces. Sigurisht që ka një diferencë mes realizimit, po themi në letra dhe në ligje dhe zbatimit të tyre”, tha Koçi.





Lajmet e fundit nga