web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Patronazhistët, personazh i urryer në raportin e IBAR

29 Maj 2026, 10:23, Politikë CNA

Kryetari i Partisë Demokratike, Sali Berisha ka dhënë një deklaratë për mediat pas takimit të zhvilluar me delegacionin e Komisionit të Venecias.

Berisha u shpreh se takimi ishte i mirë, ndërsa shtoi se delegacioni ndodhet në Shqipëri për të marrë mendimet e partive politike për të dhënë rekomandimet e tyre.

“Ne shprehëm mendimin tonë se është e domosdoshem që insituticionet e Shqyrtimit të ankesave të kenë një lloj pavarësie dhe objektiviteti ndaj ligjit. Takimi ishte shumë i mirë. Këta kanë ardhur të marrin mendimet e partive poliutike për të dhënë rekomandimet që kanë qenë gjithmonë të dobishëm por janë hedhur poshtë nga qeveria” tha Berisha.

Më tej Berisha u shpreh se lidhur me draftin e propozuar në Komisionin e Reformës Zgjedhore, Komisioni i Venecias ende nuk ka sjellë rekomandime. Ai shtoi se vetëm OSBE/ODIHR ka sjellë rekomandime, të cilat tha se i mbështet plotësisht.

“ODIHR ka sjellë rekomandime të shkëlqyera dhe i mbështes plotësisht. Ka bërë një raport të shkëlqyer dhe natyrisht presim dhe rekomandimet e Komisionit të Venecias. Nuk di asnjë lloj dakordësie mes bashkëkryetarëve të Komisionit”, u shpreh kryedemokrati.

Ndër të tjera, ai foli edhe për raportin e IBAR ku tha se "damkoseshin rrjetet e patronazhistëve". Por sipas tij këtij raporti nuk ju dha vëmendja që duhej në media.

“Ky problem është i negociueshëm, pasi vetë OSBE/ODIHR ka meritën e veçantë të stigmatizojë rrafshin politik për zgjedhje, patronazhistët. Këto u bënë personazh i urryer në raportin e IBAR. Në këtë raport damkoseshin rrjetet patronazhiste. Censurimi i raporteve ndërkombëtare që damkosin qeverinë është një akt i dënueshëm i mafias së fjalës së lirë. Nuk ka qenë në ccdo media raporti. Nuk janë lexuar pjesë që janë jetike. Për herë të parë damkosen rrjetet patronazhiste”, tha Berisha. /CNA





Lajmet e fundit nga