web counter
LEXO PA REKLAMA!

SHKARKO APP

App Store
Google Play

E fundit!

x

35-vjetori i PS-së në Dibër/ Manja: Parti fituese që nuk njeh më kundërshtar, meritë e Ramës

29 Maj 2026, 17:54, Politikë CNA

Drejtuesi Politik i PS-së për Dibrën, Ulsi Manja, ishte sot i pranishëm në eventin e 35-vjetorit të partisë në këtë qark.

Duke folur para socialistëve, Manja u ndal te themelimi i PS-së në vite të vështira për vendin, hap që sipas tij, e solli si një forcë politike europiane për Shqipërinë.

Manja ndau edhe një vlerësim për kryesocialistin Edi Rama, teksa u shpreh se me drejtimin e tij, Partia Socialiste është transformuar në një parti fituese që nuk njeh më kundërshtar.

“Nuk jemi mbledhur vetëm për të festuar një fitore, por edhe për të nderuar një histori 35 vjeçare që është unifikuar me historinë e Shqipërisë. Arritën të themelojnë Partinë Socialiste të Shqipërisë, duke transformuar nga një forcë e vjetër politike, drejt një force europiane me profil social-demorkat. Shqipëria nuk ka nevojë për hakmarrje politike, por për pajtim, transformim, demokraci. Sollëm në krye të PS-së njeriun që nuk erdhi për të administruar humbjen, por për ta transformuar drejt një partie fituese që nuk njeh më kundërshtar”,-theksoi Manja./CNA





Lajmet e fundit nga