web counter
LEXO PA REKLAMA!

SHKARKO APP

App Store
Google Play

E fundit!

x

Kuvendi Kombëtar i PD-së/ Berisha: Kjo parti as nuk blihet, as nuk shitet kurrë

30 Maj 2026, 13:17, Politikë CNA

Kuvendi Kombëtar i PD-së/ Berisha: Kjo parti as nuk blihet, as nuk

Kryetari i Partisë Demokratike, Sali Berisha, gjatë fjalës së mbajtur në Kuvendin Kombëtar të PD-së, vlerësoi qëndresën e demokratëve gjatë pesë viteve të fundit, duke theksuar se besimi tek anëtarët dhe mbështetësit e partisë nuk është lëkundur asnjëherë.

Berisha rikujtoi procesin e rithemelimit të PD-së në vitin 2021, duke e cilësuar atë si nisjen e një rrugëtimi të vështirë përballë sfidave politike. Në fjalën e tij, kreu demokrat akuzoi kryeministrin Edi Rama se ka tentuar të asgjësojë opozitën dhe ta shndërrojë PD-në në një “opozitë fasadë”, por shtoi se përpjekjet e tij dështuan. 

Berisha theksoi se demokratët u ngritën në mbrojtje të së vërtetës në një periudhë që, sipas tij, dukej se gjithçka ishte kundër tyre. Ai i cilësoi anëtarët e PD-së si “gardianë të pluralizmit politik, të sovranitetit kombëtar dhe të vlerave të lirisë e dinjitetit njerëzor”

Pjesë nga fjala e Berishës:

Të dashur delegate dhe delegatë, të ftuar, të pranishëm në këtë Kuvend, secili nga ne në këtë moment, në mënyrë eksklamative mund të shtrojë pyetjen: çfarë rrugëtimi, çfarë maratone e jashtëzakonshme e maratonomakëve si ju. Më kujtohet sot kur hodhëm hapat e parë në këtë mision pesë vite më parë në Kuvendin Kombëtar të 21-shit, kur rithemeluam PD-në. Unë e dija mirë se kishim një rrugë të vështirë, na prisnin beteja të egra. Unë njihja mirë narkoshtetin që ishte instaluar në Shqipëri.

Por miq, në karrierën time politike dhe në jetë, kam bërë gabime, kam pasur një avantazh të madh, nga vitet e rinisë gjer sot gjithnjë kam ruajtur të paprekur bindjen se jashtë teorisë së gabimit kurrkush nuk del. Ndaj dhe gjithnjë jam përpjekur t’i korrigjoj ato. Por duhet t’u them sot, se në një gjë nuk kam gabuar, dhe ajo çka unë nuk kam gabuar kurrë, nuk kam gabuar në besimin ndaj jush.

Nuk kam vendosur kurrë në jetën time në dyshimin më të vogël besimin tek ju, karakterin tuaj të fortë, idealet tuaja, vendosmërinë tuaj, përkushtimin tuaj. Ndaj dhe nisëm së bashku një udhëtim të vështirë, në një moment kritik pasi për dekada kishim bërë shumë përpjekje për të forcuar pluralizmin, për të konsoliduar demokracinë. Kishim edhe arritjet tona, të mëdha, të pamohueshme.

Por erdhi një moment kur Edi Rama vendosi si moral, si platformë të regjimit të tij moralin dhe platformën e etërve të tij xhelatë. Ndërmori sulmin për asgjësimin e PD-së, për shndërrimin e saj në opozitë fasadë, për blerjen e saj. Por gaboi. Nuk është për treg kjo parti. Kjo parti është për moral. Kjo parti është për ideale. Kjo parti është për vlera. As nuk blihet, as nuk shitet. As nuk mposhtet kurrë. Ndaj dhe u ngritëm.

U ngritëm në një kohë kur dukej se edhe tokën, edhe qiellin e kishim kundër nesh. Por u ngritëm në atë kohë se ishim të pathyeshëm në besimin tonë tek e vërteta. U ngritëm, na e imponuan, jo se deshëm, por midis të gjithave, ne zgjodhëm të mbrojmë të vërtetën. Ndaj dhe ju, uleni sot këtu krenarë, ju dhe çdo demokrat, krenarë sepse vini në këtë sallë dhe kudo që jeni, gardianë të pluralizmit politik në Shqipëri. Gardianë të sovranitetit të kombit shqiptar. Gardianë të pamposhtur të vlerave të lirisë, të dinjitetit njerëzor. /CNA





Lajmet e fundit nga