web counter
LEXO PA REKLAMA!

SHKARKO APP

App Store
Google Play

Para bustit të Lekë Dukagjinit/ Gjergj Luca jep lajmin e shumëpritur për shkodranët

28 Prill 2023, 22:15, Politikë CNA
Para bustit të Lekë Dukagjinit/ Gjergj Luca jep lajmin e
Sipërmarrësi dhe biznesmeni, Gjergj Luca

Rreth dy muaj më parë, sipërmarrësi dhe biznesmeni, Gjergj Luca, bëri thirrje për rregullimin e rrugës së Dukagjinit, që lidh 30 katundet e Dukagjinit deri në Theth.

Por mbrëmjen e sotme, Luca ka dhënë një lajm të mirë. Me anë të një videoje, ai na njofton se projekti për rindërtimin e rrugës së Dukagjinit është aprovuar dhe do të vihet në zbatim pranverën e vitit që vjen.

Biznesmeni thekson se ky nuk është një premtim elektoral, por një premtim që do të mbahet.

“Përshëndetje miq!

Më falni për këtë videomesazh kaq të vonë, por u karikova pak emocionalisht dhe erdha pikërisht para këtij burri që unë përpara disa javësh kam bërë një kërkesë, një kërkesë publike drejtuar opinionit publik dhe qeverisë.

Sot morëm lajmin e mirë që ai projekt është aprovuar dhe është rënë dakord që në pranverën e ardhshme ajo rrugë të fillojë, rruga e Dukagjinit.

Dhe pikërisht do të fillojë mbi atë gjurmë rruge, ku ka kaluar gjithë historia, një nga historitë më të bukur, një nga historitë më të vërteta, një nga historitë më frymëdhënëse, një nga historitë më shpirtërore të kombit tonë në atë rrugë.

Dola këtu të falenderoj, të falenderoj ata njerëz që nuk i shkoi mundi dëm, nuk shkoi qytetaria e tyre, nuk shkoi ndihma që i dha Shkodra, por më besoni dhe për diçka miq, ky nuk është premtim elektorale, për këtë jam i bindur.

Ky është premtim që do të mbahet dhe do të fillojë patjetër verën e ardhshme. Ju përshëndes dhe ju uroj çdo të mirë, paçi sa më shumë gëzim dhe sa më shpejt të realizohet kjo dëshirë kaq vite e shumëpritur. Respekte miq!”, nënvizon Gjergj Luca./ CNA.al





Lajmet e fundit nga