web counter
LEXO PA REKLAMA!

SHKARKO APP

App Store
Google Play

E fundit!

x

Berisha nuk ndalet/ Kërkon sërish ballafaqim me Ramën

28 Prill 2023, 19:10, Politikë CNA
Berisha nuk ndalet/ Kërkon sërish ballafaqim me Ramën
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka kërkuar disa herë të zhvillojë një debat me kryeministrin Edi Rama, por ky i fundit nuk ka pranuar.

Gjatë një takimi me qytetarët në Lushnjë, Berisha tha se Rama nuk pranon të ballafaqohet as me qytetarët e as me rivalin.

Ai nuk u tërhoq, por kërkoi sërish ballafqaqim me kreun e qeverisë, teksa i bëri thirrje qytetarëve t’i bashkohen kërkesës së tij dhe t’i bëjnë pyetje Ramës.

“Vërshim me ‘Ballkanin e Hapur’ të prodhimeve të Shumadisë në Shqipëri, asnjë mbrojtje për fermerët e Myzeqesë. Subvencionet 5 herë më të ulëta se në Kosovë, 7-8 herë më të ulëta se mesatarja e rajonit. Të gjitha këto ua thërrmojnë ëndërrat, i detyrojnë të shkatërrojnë fermat, të therin lopët, të prishin serat, të largohen, të largohen ku të munden.

Kjo po ndodh dhe megjithatë, ky zotëri ka zgjedhur një mënyrë për fushatë. Asnjë ballafaqim kandidatët e tyre, me kandidatët rivalë, asnjë ballafaqim. Ai vetë nuk pranon të ballafaqohet para qytetarëve, por çdo politikan ka detyrim absolut të dalë para qytetarëve, të ballafaqohet me rivalin, por edhe qytetarët të marrin pjesë në atë ballafaqim dhe t’i bëjnë çdo pyetje, t’i paraqesin çdo dokument, t’i bëjnë radiografinë dhe pastaj të kërkojnë votën.

Kurse ky, mashtrimin, mashtrimin dhe vetëm mashtrimin. Del burri dy metra nga një shesh, në një shesh tjetër me zorrë në gojë, nuk ka më turp. Dhe e bën këtë me qëllimin djallëzor, që njerëzit të mos merren me vjedhjet e tij, të mos merren me faktin se ai udhëton me avion me dhomë gjumi, shpenzon 22 mln euro vetëm udhëtime me avion taksi”, theksoi kreu i PD-së./ CNA.al





Lajmet e fundit nga