web counter
LEXO PA REKLAMA!

SHKARKO APP

“Shumë shpejt do vijë vota edhe për emrin tim”/ Çfarë paralajmëron Meta?

27 Prill 2023, 22:27, Politikë CNA
“Shumë shpejt do vijë vota edhe për emrin tim”/
Kryetari i Partisë së Lirisë, Ilir Meta

“Shumë shpejt do vijë vota dhe për emrin tim”.

Ky ishte paralajmërimi që bëri mbrëmjen e sotme kryetari i Partisë së Lirisë, Ilir Meta gjatë një interviste me Marsela Karapançon.

Meta tha se në këto zgjedhje do të votohet Belind Këlliçi, por shumë shpejt njerëzit do të kenë mundësi të votojnë edhe për të.

“Me cilën bashki kandidon ky zotëria?! Ky do bënte fushatë të lirë? Si e mbushi Shqipërinë me banera? Ato kushtojnë! Vetëm të na thotë ku do votojmë ne për këtë, se ky është kryeministër apo jo? Se pushteti i vendosur është i pavarur nga ai qendror. Ky kë respekton? Ndarjen midis qeverisë dhe pushtetit vendor? Apo kandidon për çdo gjë? Institucionet e tjera nuk kanë vlerë në këtë vend?!

Vetëm keqardhje për një njeri me probleme të mëdha që nuk e ka vendin aty ku është, por të paktën të ketë një mjekim të specializuar mendor, që askush nuk ka guxim t’ia ofrojë mesa duket. Shumë shpejt do vijë vota dhe për emrin tim, por në 14 maj votohet Belind Këlliçi ose kandidati që ky e fsheh nga qytetarët”, theksoi kreu i PL-së, i cili nuk shpjegoi se për çfarë posti do të garojë në të ardhmen./ CNA.al





Lajmet e fundit nga