web counter
LEXO PA REKLAMA!

SHKARKO APP

App Store
Google Play

E fundit!

x

“Nuk ka kuptim integrimi në BE pa Serbinë”/ Berisha i kthehet keq Ramës: Nuk ka interesa shqiptare

27 Prill 2023, 20:18, Politikë CNA
“Nuk ka kuptim integrimi në BE pa Serbinë”/ Berisha i
Kryetari i koalicionit “Bashkë Fitojmë”, Sali Berisha

Kryetari i koalicionit “Bashkë Fitojmë”, Sali Berisha, ka komentuar deklaratat e bëra nga kryeministri Edi Rama, i cili tha në një intervistë se nuk ka kuptim që Shqipëria dhe vendet e rajonit të Ballkanit Perëndimor të integrohen në BE pa Serbinë.

Nga Valiasi ku mbajti një takim me qytetarë, Berisha tha se Rama nuk ka interesa shqiptare, por e lidh vendin tonë pas bishtit të Serbisë.

“Edi Rama vetëm për maskuar vjedhjet e tij, vetëm për të larguar nga vëmendje dramën që u ka krijuar ju dhe shqiptarëve të Shqipërisë, është i gatshëm të marrë edhe lëkurën e gomarit e të vë dhe zorrë rreht qafe në mënyrë të mos diskutojmë bashkë për këto që u ka krijuar qytetarëve.

Ky zotëri që vjen tek ju, me një fjalor ordineri, në mediat e huaja, sapo ka deklaruar se, nuk ka kuptim Shqipëria në BE, pa Serbinë. Shikoni çfarë antishqiptari është ky, çfarë argati i shpifur i Beogradit. Serbia e ka të lidhur fatin me Rusinë dhe ky na lidh pas bishtit të Serbisë ne dhe merrte një përgjigje shembullore nga një shtetar evropian; të dëgjosh kryeministrin e Shqipërisë që thotë se nuk ka kuptim anëtarësimi i vendit të tij në BE pa Serbinë, kjo është habia e kohës.

Nuk ka interesa shqiptare. Ka absolutisht interesa antikombëtare. Nuk do të ndalemi këtu, sepse ju e keni shumë të qartë se çfarë përfaqëson ai për veriun.

Unë u them ju, se pas Car Dushanit, Enver Hoxhës, Edi Rama është armiku më i egër në të gjithë shekujt për veriun. Nuk ka njeri që ka urryer veriun dhe veriorët si Edi Rama. Një racist i shpifur dhe natyrisht racizmi i tij ndaj veriut ka rrënjë kryekëput antishqiptare”, theksoi ish-kryeministri./ CNA.al





Lajmet e fundit nga