web counter
LEXO PA REKLAMA!

SHKARKO APP

App Store
Google Play

“Rekordi i zhvlerësimit të euros”/ Tabaku “i drejton gishtin” qeverisë

27 Prill 2023, 13:16, Politikë CNA

“Rekordi i zhvlerësimit të euros”/ Tabaku “i drejton

Deputetja e PD-së, Jorida Tabaku, ka shpjeguar arsyen pse në Shqipëri janë arritur rekorde negative të rënies së monedhës së euros.

Sipas Tabakut, monedha e euros zhvlerësohet në vend sa herë ka zgjedhje dhe kjo nuk vjen si rrjedhojë e një ekonomie që po zhvillohet apo po shkëlqen, por tregon se situata në vend është gri.

Tabaku theksoi, ndër të tjera, se rekordi i zhvlerësimit të euros është arritur si pasojë e blerjeve të votave dhe praninë e parasë së pistë që kontribuon sot sa te betoni, por më shumë te fushata.

“Sa herë në Shqipëri ka zgjedhje po aq herë arrihen rekordet negative të rënies së euros.

Pse bie euro dhe vlerësohet leku? Kjo nuk ndodh se ekonomia jonë po shkëlqen, as se remitancat po zhvlerësojnë euron; përkundrazi situata është gri dhe parashikohet edhe më gri!

Nuk është e vlerësuar monedha jonë sepse kemi një ekonomi më të fortë! As se po na mbysin turistët e huaj që janë derdhur në Shqipëri për të shpenzuar miliona!

Rekordi i zhvlerësimit të euros është si pasojë e pazarit politik me blerje votash dhe paranë e pistë që kontribuon sot sa tek betoni por më shumë tek fushata!

Mos u gënjeni nga slogani pemëve që në fakt mbulon të vërtetën e parave të pista që po i hapin gropën ekonomisë sonë!

Mos i përbuzni shqiptarët me gënjeshtra kur të gjithë e dinë të vërtetën që jehon nga betoni në zemër të Shqipërisë dhe shpërndahet në çdo skaj; pastrimi i parave dhe një qeveri në shërbim të këtij pastrami”, shkruan ajo./CNA.al

 

 

 

 

 

 

 

 

 

 

 

 

 

 

 

 

 

 

 

 





Lajmet e fundit nga