web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi/ KLSH konstaton korrupsion në Bashkinë e Fushë-Arrëzit

27 Prill 2023, 13:12, Politikë CNA

Denoncimi/ KLSH konstaton korrupsion në Bashkinë e

Sekretari për çështjet ligjore në PD, Ivi Kaso, ka denoncuar korrupsionin në Bashkinë e Fushë-Arrëzit pas një auditimi të bërë nga KLSH në 2019-ën.

Korrupsioni është kryer nëpërmjet dy tenderave për rikontruksionin e shkollës së Iballës dhe rikontruksionin e shkollës së mesme në qytetin e Fushë-Arrëzit.

KLSH pas konstatimeve për shkelje ka kërkuar kallëzim penal për dy kompanitë që, në bashkpunim me zyrtarët të Bashkisë së Fushë-Arrëzit kanë shkelur ligjin.

“Bashkitë e Edi Ramës, të cilat ai i mori të gjitha pa garë para katër vitesh ose janë të falimentuara ose të korruptuara. Nga jugu në veri dhe nga lindja në perëndim, pushteti lokal i Rilindjes, edhe kur ushtrohet vetëm, pa pengesa dhe pa kontroll institucional të opozitës, dëshmon se nuk i shpëton dot oreksit të vjedhjes, madje i shtohet edhe më shumë babëzia.

Në një auditim të bërë nga Kontrolli i Lartë i Shtetit në Bashkinë Fushë-Arrëz në vitin 2019, me objekt aktivitetin përgjatë vitit 2017, dhe përputhshmërinë e prokurimeve me të ardhurat për periudhën 2017-2018, ka gjetur disa shkelje.

Dy më kryesoret janë një tender për rikontruksionin e shkollës së Iballës dhe rikontruksionin e shkollës së mesme në qytetin e Fushë-Arrëzit.

KLSH, pas konstatimeve për shkelje, ka kërkuar kallëzim penal për dy kompanitë që, në bashkëpunim me zyrtarë të Bashkisë së Fushë-Arrëzit kanë shkelur ligjin.

Shkeljet e evidentuara nga KLSH-ja janë konsumim i veprave penale të falsifikimit të dokumenteve, dhe e gjitha është bërë me qëllim paraqitjen e të dhënave të rreme për të fituar tenderat.

Shkelja e bashkisë, sipas KLSH-së, është se nuk ka bërë verifikimet e duhura. Më saktë nuk ka dashur të bëjë verifikimet e rastit, sepse për tenderat, të cilët i ka fituar bashkimi i dy kompanive, ka pasur dakordësi që më parë.
Pra, kemi të bëjmë, jo me shkelje nga pakujdesia, por me shkelje me dashje, me qëllime favorizimi dhe korrupsioni.
Kontrolli i Lartë i Shtetit për këto shkelje ka bërë kallëzim në Prokurorinë e Shkodrës.
Dosja është rrotulluar në sirtarët e kësaj prokurorie për tri vjet dhe vetëm para katër muajsh kjo Prokurori ka vendosur t’ia kthejë mbrapsht dosjen Prokurorisë së Pukës.
Skema është e qartë: kompanitë fituese me dokumentacion të rremë, për të mbrojtur veten dhe Bashkinë Fushë-Arrëz kanë ndërhyrë në prokurorinë e Shkodrës që ta 'mbyllin'çështjen, duke ia kaluar Pukës, një territori që ata e njohin dhe mund ta kontrollojnë më lehtë.
Gjasat janë që ky të jetë një tjetër krim pa ndëshkim i bashkive të Edi Ramës, një tjetër rast kur taksat e pukjanëve të shkojnë në xhepat e oligarkëve të zonës.
I bëjmë thirrje Prokurorisë së Pukës që të ndjekë germën e ligjit, jo ngjyrën e parave”, tha ai./CNA.al

 

 

 

 





Lajmet e fundit nga