web counter
LEXO PA REKLAMA!

SHKARKO APP

App Store
Google Play

E fundit!

x

“Për institucionet ekzistojnë vetëm kur vijnë fushatat”/ Boçi zbulon planin për pensionistët

27 Prill 2023, 10:40, Politikë CNA
“Për institucionet ekzistojnë vetëm kur vijnë
Luçiano Boçi

Kandidati i koalicionit "Bashkë Fitojmë" për Bashkinë e Elbasanit, Luçiano Boçi ka zhvilluar një takim me pensionistët e qytetit.

Boçi thekson se për institucionet pensionistët ekzistojnë vetëm kur vijnë fushatat por kjo do të ndryshojë pas 14 majit.

Ai thekson se pas fitores së 14 majit, bashkia do të mbështesë financiarisht transportin falas për pensionistët, të krijojë një ambient çlodhës në qendër të qytetit, ku në shenjë solidariteti dhe mirënjohjeje kafja të ofrohet falas dhe më kryesorja të krijojmë një rrjet vullnetarësh të rinj, që ndihmojnë dhe shërbejnë të moshuarit për blerjen e ilaçeve dhe ushqimeve.

“Pensionistët meritojnë mirënjohje dhe respekt

Me kënaqësi ndava bisedat dhe kafen e mëngjesit me zonja dhe zotërinj të nderuar, të cilët pas kontributeve dhe angazhimeve të tyre profesionale tashmë kanë dalë në pension. Elbasani sot nuk u kthen atyre asgjë nga ajo që meritojnë.

Sot pensionistët e kanë të kushtëzuar jetesën, shëndetin, ushqimin nga mbështetja e fëmijëve. Për institucionet ata ekzistojnë vetëm kur vijnë fushatat, përmes shpërblimeve të pakta, si joshje për t’ua marrë sërish votën. Bashkia vërtetë nuk e ka mundësinë të rrisë pensionet, por pushteti vendor ka gjithë hapësirën të lehtësojë jetën e tyre.

Prandaj ne duam që pas 14 majit, Bashkia të mbështesë financiarisht transportin falas për pensionistët, të krijojë një ambjent shplodhës në qendër të qytetit ku në shenjë solidariteti dhe mirënjohjeje kafja  të ofrohet falas dhe më kryesorja të krijojmë një rrjet vullnetarësh të rinj, që ndihmojnë dhe shërbejnë të moshuarit për blerjen e ilaçeve dhe ushqimeve.

BanNdryshimin BashkëFitojmë”, shkruan Boçi./ CNA.al





Lajmet e fundit nga