web counter
LEXO PA REKLAMA!

SHKARKO APP

App Store
Google Play

E fundit!

x

“Veliaj abuzon me fondet”/ Premtimi i Bejkos: Ne do t'i shtrojmë rrugët

28 Prill 2023, 13:25, Politikë CNA
“Veliaj abuzon me fondet”/ Premtimi i Bejkos: Ne do t'i
Roland Bejko, kandidati i PD-së së Alibeajt për Bashkinë Tiranë

Roland Bejko, kandidati i PD-së së Alibeajt për Bashkinë Tiranë, ka zhvilluar një takim elektoral me qytetarët në Sauk për të dëgjuar problematikat dhe pakënaqësitë e tyre.

Sipas Bejkos kjo zonë është lënë në harresë nga Veliaj dhe se nuk është vënë dorë për shtrimin e rrugëve dhe as kanalizimeve duke detyruar qytetarët të ndërhyjnë vetë për të rregulluar infrastrukturën e ujërave të zeza.

Ai u zotua se me ardhjen e tij në krye të Bashkisë së Tiranës infrastruktura rrugore jashtë zonave urbane do të përmirësohet.

Gjithashtu Bejko akuzoi kryetarin e bashkisë, Erion Veliaj, se abuzon me fondet që janë mbi 200 milionë euro me koncerte.

“Erjon Veliaj po e përdor buxhetin për koncerte, për qendrën. Periferinë e kanë harruar fare.

Qëllimi ynë me fitimin e Bashkisë së Tiranës është që të jetë qytet unik. Mos të jetë qytet vetëm brenda Unazës së vogël dhe pjesa tjetër t'i lënë të lirë dhe të jetojnë si t’ju vijë për mbarë.

Këto politika te ne nuk do të gjejnë vend, këtu qëndron ndryshimi mes nesh dhe atyre. Prova është fjala që japim ne. Ne do ta integrojmë qytetin. Ju jeni 5 km larg qytetit dhe jetoni sikur të jeni në një zonë të largët rurale.

Të jesh në qytet dhe vetëm pak km larg të kesh enklava të tilla kjo është papërgjegjshmëri e kryetarit të bashkisë dhe stafit të vet. Te them që në 4 vitet do t'i bëj rrugët menjëherë është papërgjegjshmëri, kërkon kohën e vet. Por duhen të merren me radhë, dhe rrugët brenda qyteteve duhet rregulluar.

Jo vetëm janë të ngushta, por nuk kalon dot. Por në këto kushte që janë të pashtruara janë edhe më problem. Duket sikur je në fshat, jo sikur je në qytet”, tha Bejko./ CNA.al

 





Lajmet e fundit nga