web counter
LEXO PA REKLAMA!

SHKARKO APP

App Store
Google Play

Berisha sfidon sërish Ramën/ E fton në debat publik: Do rreshtoj vjedhjet e tua dhe të familjarëve

28 Prill 2023, 12:34, Politikë CNA
Berisha sfidon sërish Ramën/ E fton në debat publik: Do rreshtoj
Ish kryeministri Sali Berisha

Drejtuesi i koalicionit Bashkë Fitojmë, Sali Berisha e ka ftuar sërish në debat publik kryeministrin Edi Rama.

Gjatë fjalës së tij në deklaratë për mediat, Berisha është shprehur se do të rendisë vjedhjet e tij dhe të familjarëve.

“Ftoj Ramën në debat, do i rreshtoj jo vetëm vjedhjet e tij, por edhe të familjarëve

Edhe njëherë, dënoj me forcën më të madhe refuzimin e ballafaqimit të kandidatëve nga Edi Rama si një akt të papërgjegjshëm ndaj qytetarëve shqiptarë.

Rama nuk i nxjerr kandidatët sepse mbi ta rëndojnë fatura dhjetëra milionë euro vjedhjesh nga më të ndryshme.

U bëj thirrje medieve të vendosin në studio dy karrige dhe të ftojnë kandidatët për debat dhe të lënë bosh karrigen e kandidatit që nuk paraqitet.

Sikundër përsëris ftesën ndaj Edi Ramës, të vijë në debat, të paraqesë para shqiptarëve gjithçka ai e konsideron se i shërben interesit të pushtetit të tij.

Nuk vjen dot.

Unë e bëj këtë, por unë jam i bindur se ai nuk mund të vijë në debat. Rëndojnë afera të tmerrshme mbi shpatullat e tij. Dhe unë ia nxjerr dokumentet një nga një përpara shqiptarëve.

Unë do i rreshtoj jo vetëm vjedhjet e tij, por edhe me familjarët e tij në tendera.

Pra, Edi Rama nga njëra anë i fsheh kandidatët e tij, dhe vetëm pas denoncimeve të përsëritura të mia, nxori fytyrën e Lal Fallcit, se edhe atë e kishte zhdukur, nga ana tjetër nuk pranon debatet.

Kjo është një fyerje e madhe për qytetarët.

U bëj thirrje qytetarëve të kërkojnë nga kandidatët të debatojnë, qoftë edhe në sheshet e qytetit.

Nga ana tjetër, u bëj thirrje gazetarëve të verifikojnë çdo pretendim, çdo pseudosukses që numërojnë sot sekti i rilindjes, sekti i vjedhjes.

Rilindje do të thotë vjedhje sot për shqiptarët.

A mund të imagjinoni një kryebashkiak që zhduk 520 mijë metër katror gjelbërim dhe mashtron e thotë se kam mbjellë 1 milion pemë.

Këtë mashtrim e bën për të justifikuar vjedhjen e miliona eurove që ka faturuar me 1 milion fidanë.

Një njeri që u thotë qytetarëve që kam ndërtuar 40 shkolla dhe fillon e numëron 5, 8 apo 15. Se nuk i ka”, ka thënë Berisha./ CNA.al





Lajmet e fundit nga