web counter
LEXO PA REKLAMA!

SHKARKO APP

App Store
Google Play

Përnaska, takim me përfaqësues të OSBE-së/ Problematikat zgjedhore që shtroi kandidatja

28 Prill 2023, 21:31, Politikë CNA

Përnaska, takim me përfaqësues të OSBE-së/

Kandidatja për Bashkinë e Tiranës, Lajla Përnaska, zhvilloi një takim të dobishëm sot me përfaqësues të OSBE/ODHIR, të cilët janë të angazhuar në monitorimin e proçesit zgjedhor të 14 Majit.

Ajo tha se interesi parësor për të si kandidate, është për respektimin dhe arritjen e standarteve zgjedhore.

Përnaska, takim me përfaqësues të OSBE-së/

Përnaska theksoi se “sistemi zgjedhor në fuqi, edhe pse ka një hapësirë për kandidimin e pavarur, mekanizmi është i komplikuar dhe pengon përfshirjen e kandidatëve me këtë status.

Problematika dhe shqetësime të proçesit për këto zgjedhje vendore, lidhen dhe me faktin që është një garë e pabarabartë midis kandidatësh me status të ndryshëm, edhe për mbështetjen me infrastrukturë zgjedhore, me aksesin ndaj fondeve të KQZ, si dhe aksesin në media.”

Kandidatja e PDIU-së i tha përfaqësuesve të OSBE/ODIHR-it se “sistemi elektronik duhet aplikuar sa më parë edhe në Shqipëri”.

Përnaska, takim me përfaqësues të OSBE-së/

“Sot ka më pak demokraci në partitë tona politike dhe në sistemin tonë se sa në vitet ’90, në startin e demokracisë në vend. Ndërsa Shqipëria e vitit 2023 duhet të jetë një Shqipëri me standarte zgjedhore”, dekaroi ajo më tej.

Ndërsa përfaqësuesit e misionit të vëzhguesve të OSBE/ODIHR, theksuan në takim se misioni i monitorimit është i angazhuar për të shprehur në raport të gjitha shqetësimet që do të hasen gjatë këtij proçesi elektoral, ditën e votimeve si edhe gjatë procesit të numërimit./ CNA.al





Lajmet e fundit nga